نلبس مقطع عشان يعجبهم؟؟؟؟!!!!!!!! جاوبوني بس:(

السلام عليكم ورحمة الله وبركاته



بنات اختي الحين في شبه غيبوبة نايمة نايمة نايمة في المستشفى ماتريد تصحى

ومش قادرة تصحى تحاول تفتح عيونها ماتقدر:(

ادعو لها:(

اريد اسألكم مر عليكم ناس كدة؟؟ وايش ممكن تسووا معاهم؟؟ طبعا مش عارفين

ايش الحكاية والحين باقول لكم..


في حرمة ايش اقول عنها الا انها النحس بعينه..حسودة بشكككككككككل وعيونها

مبققة علينا بشكل مش طبيعي..خطوبتين اتفركشوا في البيت من عيونها وقلنا

يمكن شر وراح..واجت عندنا الثلاثاء وعينكم ماتشوف الا النور..ماحد في البيت

طايق الثاني مع ان البيت كان ساكن في الفترة الأخيرة..رحت عندهم عشان غرض

وانا نازلة طحت في السلم واتعورت في اربع اماكن في رجولي والحين رجلي

وارمة ..واليوم الثاني امي واختي اتمشكلوا مشكلة كبيرة وامي بعدها راحت خطوبة

بنت هذي الحرمة ودموعها على خدها بسبب مشكلتها مع اختي حتى انها كانت تريد

تخلي لاختي البيت او ان اختي تخلي البيت..واختي طاحت علينا بعد كدة وكانت حالتها

تصعب على الكافر والحين في المستشفى نايمة من يوم الجمعة العصر ومش قادرين

نفوقها حتى الطبيب النفسي ماقدر لها يقول انها تهرب من واقعها بالنوم ..



ياناس ايش نسوي مع حرمة زي كدة؟؟ المشكلة امي ماتقدر تقاطعها لانها بتسأل ليش

ومليون حرمة وحرمة بيتدخلوا..

غير كدة نحن ناس مرررررررررررة محسودين وعلى طول العين علينا احس اني

لو البس مقطع حايحسدوني وحايقولوا لي ايش ماركة اللي لابساه ومن وين جايباه...

على كلللللللللللل شي العين علينا,,مانفرح بشي الا وفرحتنا تنقلب انتكااااااااااااااسة

حتى خايفين نفرح..الناس يعملوا ويعلموا ويقولوا الله يهنيهم لكن توصل وعندنا

ويقولوا كيف وليش !! مثلا جيران لنا ماشاء الله بيتهم اربع طوابق والكل يقول ماشاء

الله ولااااااااااااااايحسدوهم يمكن يقولوا مساكين كمان..لكن نحن اللي بيتنا طابق

واحد الكل يدخل ويفنجل عيونه حتى امي ماتريد تحتك بالجيران لكن وحدة منهم مثل

السوبر جلو تقول لامي اوووووووووووووووووووووو لو تعرفي كيف الجيران

تحسدك :30: مش كفاية حالنا واقف انا واختي بسبب عيونهم لدرجة انهم طلعوا

علينا اشاعة اننا متزوجات عشان مانتزوج!! حتى كثيييييييييييييييير اشوف في

عيون الحريم حقد وحسد لاننا الحمد لله انيقات وحلوات ويحسوا اننا بانتزوج زواجات

حلوة حتى وحدة قالتها في وجهنا في حفلة ليش ليش عاملين هذا كله بنفسكم لاتخافوا

مافي عرسان هنا مافي عرسان ولاتتزوجوا والزواج هم وغم ووووو وهي بنفسها

اتزوجت اول مرة وعمرها 15 سنة وبعدها اتزوجت مرة ثانية!! لا وتقول انتوا صغار

ولاحقين ومدري ايش ..ايش اللي صغار وانا واختي 23 و 26!! بس ماردينا عليها

خليناها تطلع الحقد اللي فيها:(

ياربي ايش نسوي ايش نسوي وانا متأكدة لو سكننا في عشة ولبسنا مقطع لسة

حايظلوا يحسدونا:(




ما اقول الا الحمد لله بس ايش نسوي معاهم؟؟ نقر الاذكار الحمد لله ونحاول نحصن

نفسنا لكن ليش ايشمعنى نحن بالذات العين علينا؟؟ نفسي اعرف

:angry: