أشكر كل من دلني عليه ومن ساعدني على الاشتراك ومن فعّل اشتراكي
.. وستكون بدايتي بإذن الله في منتدى العروض
التجارية ..
هذي نماذج من صواني الحلويات والفطاير والشوكولا انا كنت اسوي
بس لأقاربي والي يطلبوا مني بس احس اني الآن حابة اتعامل مع ناس كثير
لأن الموهبة متمكنة مني ولله الحمد ومو مخليتني اعرف اقابل حياتي الدراسية:(
هذا نموذج لطقم الصواني طبعاً اصغر صينية سويتها للشوكولاتة المغلفة 80 ريال
وهذي الصورة من قريب
هذي الصينية الكبيرة وهي تنفع للشوكولاتة المكشوفة او الفطاير وممكن الشوكولا
المغلفة براحتك .. لأني خليت الأرضية فاضية
بإمكانك نزع الورد وغسل الصحن براحتك وبعدين ترجعينه .. والورد بهالصينية
فخم جداً وبلمعة وبصراحة رااااااااقي وبالتغليف والشوكولا رح يكون افخم وأرقى
ب150 ريال
وهذي صورة من قريب
وهذا صندوق غلفته وهو جاهز لهدية بداخله ورد مجفف وريحته حلوة .. طبعاً هذي
كنماذج ممكن الوحدة تعطيني الفكرة وانا انفذها ..
الصندوق ب35 ريال
وبالاخير رح اوريكم صورة لتوزيعات مواليد ,, هذي لمولود ذكر اللون سماوي
عبارة عن دبدوب وجالس على سلة فضية فخمة ومزينة بالتول السماوي
وبعدين التوزيعات24 توزيعة .. عبارة عن كيس من الأورقنزا الابيض بداخلها هدية علبة قزازة
للزينة وشوكولاتة فخمة ومن برا مركب دمية بيبي وطبعاً رح اركب بطاقة عليها
شعر باسم الولد واترككم مع الصور علماً اني ما انهيت التوزيعة يعني لسى ماحطيت
الشوكولا وماركبت التوزيعات على الاستاند ..
كل توزيعة بـ 8 ريال بدون الشوكولا والاستاند حقها ب100 ريال الي هو الدبدوب
والسلة حقته ..
انا صورتها مع سلة عادية لأني للحين ماسويت الشكل النهائي بس ابغى اعطيكم صوره
للشكل النهائي .. ولما تتكتمل رح اصورها لكم بإذن الله بالشكل النهائي بدون تغليف وبعد
التغليف ..
يمكن الصور ما اعطتهم حقهم .. لأني مصورة بالجوال والاضاءة عندي مو مرة
بس حبيت اعرض فكرة عن الي اقدر اسويه ..
انتظر اراءكم