نمامه وتقط كلام ومؤذيه كيف اتصرف

صباح الورد اخواتي اخباركم
انا يااخواتي عندي مشكله واحس اني وصلت حدي منها انا مرة اخوي الكبير متزوجه اخوي وانا عمري تقريبا ثلاث سنوات وشوي والحين تبارك الله لها معاه 25سنه ومرتاحه معاه باقول لكم عنها لان المشكله منها هي شهاده لله انسانه صاحبة صلاة ودين وتخاف الله وفيها طيبه بس فيها مشكله للاسف خلتني مع الوقت اشيل عليها بقلبي المشكله لسانها يابنات ماتحترم احد وتنقل السوالف ونمامه وتقط كلام مثل السم وانا والله شاهد علي لا انا ولا اخواتي عمرنا ماتدخلنا بحياتها حتى هي قسم بالله تقول كم مره انتم عسل وماتغلطون لكن ماادري ليش كذا فيها غييره فضيييييعه مستحيل تعترف ان عندنا او فينا شي حلو وهي الله يحفظها ويسعدها سعيده ومرتاحه بس تطالع اللي عندنا تحب تكسر مجاديفنا بالسب وقط الكلام اللي مثل السم والنميمه وانا اعرفها صاحبة صيام وصدقه اخرتها امس والله اني ماغاطت عليها بس قلت لامي متضايقه انهم سووا حفله لبنتها الكبيره ومابلغوني ابي اشارك معاهم واجيب لها هديه امي الله يسامحها راحت قالت لها جت تناقشني سمعتني كلام مثل السم طبعا بتقولون ايش اللي مصبركم عليها حنا نصبر علشان اخوي البي هو زوجها اللي يخليه لامي ويسخره لنا عسل معانا وامي متولعه فيه وماتبي زعله فلو قلنا لزوجته شي امي تقعد تلعن وتشتم وتدعي علينا والبي عطاني ولدي ان هذا السبب علشان كذا مانقدر نرد عليها حسبي الله ونعم الوكيل فلا تجي وحده وتقول تخانقي معها لانه ماينفع بطلع انا الغلطانه وحتى اخوي مااقدر اقول له شي لانه مايصدق فيها وبعدين حتى امي وابوي ماساموا من طول لسانها وقذارته من زماااااان
انا تعبت منها جدا انصحوني كيف اتعامل معها لاني خلاص ماعلد اقدر اتحمل وقاحتها اكثر من كذا انا قلت ابي اسفهها بس اختي قالت لاتقول انك غيرانه وخرابيطها قلت طز زهقت مااعاد احب اشوف وجهها مؤذيه جدا والمصيبه اني حاليا مع امي وهي ساكنه فوق امي واغلب الوقت تحت عندنا
خواتي اللي قابلت هالنوع كيف تصرفتي بدون مشاكل او نقاشات واتمنى ماتدخل وحده تغلط علي او عليها لاني فتحت هالموضوع ادور حل والله يسعدكم