باختصار قاعدين نبني بيتنا الطابق الثاني:icon29:...وكان لازم ندور لنا مكان مؤقت حتى يجهز بيتنا... زوجي عرض علي ننتقل بيت أمه لأنها عايشة بروحها وعلى اساس ناخذ راحتنا غير انه توفير قيمة ايجار شقة ... انا كنت رافضة الفكرة تماما لاني عشت معها فترة بداية زواجي وبصراحة ورتني الويل .... ذلتني ذل ما تصورته... انسانة مزاجية جدا وتحب تكون كلمتها هي اللي تمشي... بنظرها انها هي دايما اللي صح والناس كلهم غلط ... حتى عيالها...لكن ربي رحمني ورحنا بيت بروحنا وحاولت انسى قصدي اتناسى (مستحيل انسى السب والاهانات) ورديت حسنت علاقتي معها على انها تبقى زيارات ودية وحوار سطحي فقط... بدون تفاصيل ...والحمد لله فعلا ظلت علاقتنا اوكيه الفترة الماضية...:hearts:
لكن لما عرض علي زوجي ننتقل وياها.. رفضت لانه معناها ارد اعيش معاها ومو فترة بسيطة يعني عالاقل ثمانية اشهر الى سنة ..... قلت(No Way) :mad: ....المهم حاولت اقنع زوجي ان ابرك لنا نستأجر شقة لحد ما يجهز بيتنا بس هو شاف ان السكن مع امه توفير وان وجودنا معاها بيسليها ويونسها... المهم رحنا عندها وكنت هادية ومعظم الوقت بدون صوت .. اتجنب اية مواضيع ممكن تؤدي الى نقاش او جدال ....مدركة تماما انه بيتها وهي حرة في اللي تقرره وانه انا ما لي كلمة غير على اولادي وشغالتي ... مشت الامور هادية كم يوم وبعدين بدينا ..... مراقبة تحركاتي... ...وافتعال مشاكل مع الشغالة على اسباب تافهة.....وتتصرف مع اولادي والشغالة وكأني مو موجدة اصلا... طبعا ظليت ما اناقش... السمع والطاعة لها .... حاولت اعرف ايش اسباب هالمعاملة.... ما فيش!!! ... مع ولدها (زوجي) تتكلم عادي جدا ... ومعاي أنا ولا حرف... والشغالة طبعا خذت نصيبها من الذل والمهانة ( ترى حماتي لها تاريخ عريق في اذلال وضرب الشغالات ) :icon36:...طبعا تحملت عشان عيالي وزوجي المسكين اللي مو مقصر معاي في شي.......:heart:
تحملت اربعة اشهر... نفسيتي تعبت وصارت زفت.. صرت ما انام الليل...صرت عصبية مع عيالي... الى ان طفح الكيل وابو الاولاد بنفسه قال لي الاحسن اروح بيت ابوي مع عيالي الصغار:baby2: ... واخذ الشغالة معي(انقذها من ويلات حماتي)...وهو بيظل مع اولاده الكبار بيت امه اللين ما يشوف حل!!
صار لي عشرة ايام طالعة ولحد اليوم ما بين شي ....وزوجي كان ناوي فالبداية يدور لنا شقة عشان نطلع بس شكله مل من الدوارة وغلاء أسعار الايجارات وصار الحين يقوللي ردي بيت امي...ويقنعني انها خلاص رضت علي (مادري ليش زعلت اساسا) ...ووعد ان الامور بترجع هادية والنفوس بتصفى...
لكن...
هيهات....... "لا يلدغ المؤمن من جحر مرتين"!!! وانا عشت التجربة قبل لسنيين..... وادري انها ما بتتغير ... وخايفة ارد ونفسيتي تتعب والاولاد يتضايقون والشغالة.... الشغالة اخاف لا تطفش ....:eek:
لكن في نفس الوقت... في بيت ابوي حاسة اني مو مرغوب فيني.... وابوي كل يوم يعطيني محاضرات عن الحياة الزوجية والصبر .... مو كأني متزوجة صار لي 13 سنة...وترى اخويا وزوجته وعياله ساكنين ببيتهم ...عاد تخيلو النظرات والتلميحات اللي تقول متى تفكينا وتردين بيتك؟؟ المهم اللي حسيته منهم يعني بالصريح مثقلة عليهم مع عيالي والشغالة... :44:
حايرة حيرة ما بعدها حيرة ....
اشتقت لعيالي واشتقت لزوجي حبيبي ....نفسي أكون معاهم في بيت واحد ومستقرين .... بس رجوعي لبيت حماتي ...معناها ذل وسب ومشاحنات عالفاضية والمليانة.... وانا تعبت....نفسيتي ما عادت تتحمل... وزوجي مو قادر يفهم ان نفسي عزيزة وتمنعني ارجع بعد ما طلعت بارادتي من بيتها.. اضافة اني خايفة عالشغالة ... بس نفس الشي الوضع بيت ابوي لا يحتمل ...
شورو علي ... بأنجن !!!
مفكرة اروح استاجر شقة على حسابي وانتقل انا وعيالي والشغالة ..... بس ادري زوجي ما بيرضى... والله تعبت تعبت!!:icon33:
الطيبة أم العيال @altyb_am_alaayal
عضوة جديدة
يلزم عليك تسجيل الدخول أولًا لكتابة تعليق.
احلى ريم في الكون
•
أستاجري دامك تقدرين ولا تقهرين زوجك ونفسك حبيبتي هو بيقول لا زي كل الرجال بس قولي له انا وانت واحد اهم شيء راحتنا الله يسعدكم آآآآآآآآآآآآآآآآآآآآآآمين
حبيبتي دام تقولين بس مدة مؤقته اتحملي واصبري وضحي وخليكي قريبة من زوجك مو حلو المرأة تخلي الرجل بروحه
وهي ما عليكي منها المهم انتي حاولي تهدي أعصابك وما تخلينها تستفزك اعتبريها امك
وبالنسبة للشغالة اذا هي كانت حازمة عليها انت لطريها من طرفك عليها واشرحيلها الوضع وانكم بتفتكون من هالجو ان شاء الله
والله يفرج همك
وهي ما عليكي منها المهم انتي حاولي تهدي أعصابك وما تخلينها تستفزك اعتبريها امك
وبالنسبة للشغالة اذا هي كانت حازمة عليها انت لطريها من طرفك عليها واشرحيلها الوضع وانكم بتفتكون من هالجو ان شاء الله
والله يفرج همك
ردي الى بيت حماتك واصبري بضع اشهر وتنجلي اصبري كما قال ابوكي ولك بيت في طور الانجاز يعني عارف انك راجعة الى بيتك اعانك الله على الصبر
والله مادري وش اقول
بس مادام فتره وتعدي عادي روحي عند زوجك وطنشيها وسعى خاطرك
وكل كم يوم روحي عند اهلك تغيير جو الله يساعدك ويوسع صدرك
بس مادام فتره وتعدي عادي روحي عند زوجك وطنشيها وسعى خاطرك
وكل كم يوم روحي عند اهلك تغيير جو الله يساعدك ويوسع صدرك
حبيبتي شوفوا لكم شقة مفروشة استأجروها في ايجار شهري وسنوي وبعقد بس اقلها بتفتكين من التأثيث غير كذا تاخذين راحتك وترتاح نفسيتك اهو راح 4 شهور على قولتك ماباقي شئ استأجروا لمدة 6 شهور لين يخلص بيتكم وانتقلوا معززين مكرمين واذا ولابد ورجعتي عند حماااتك خليك بغرفتك ولايصير احتكاك بينكم والله يسخر زوجك واهلك واهله لك ياااااااااااارب ولما تشوفينها قولي اللهم اكفنيها بما شئت وان شاء الله ماتشوفي شر منها :(
الصفحة الأخيرة