نم لا ياكلك النمنم

... في بعض اباء وامهات يقولون لااطفالهم عشان يخوفوهم عبارات مالها من اصل
.. مثل يالله نام لايجيك الحرامي !!!
يالله اقعد عاقل لايجيك النمنم وياكلك !!!
لاتطلع الشارع في اليل عشان ماتمسكك ام العبايه هههههههههههه حلوه ام العبايه رغم كل النساء يلبسون عبايه اي وحده منهم اللي تمسك الاطفال هههههههههههه..
المهم ليش مايكون للاباء والامهات شخصيه ويقول لطفله اجلس ترى بعلم ابوك عليك !! او اقعد ترى بعلم امك تزعل عليك ؟ ليش ماتستبدل عبارات التخويف من اشياء ليست لها اصل في الوجود ؟
اويستخدم اسلوب التشجيع او الترغيب المعروفه
ليش نخوف اطفالنا من اشياء مالها وجود اصلا
اهلي لما كنت صغيره كانو يخوفونا من النمنم تذكرونه وفي مره سالت امي كيف شكله قالت لي اكبر من الكلب كبيييير وياكل الناس
والى يومكم هذا وانا عندي فوبيا من الكلاب
وولد اخوي امه كانت تخوفه من شي مو راضي يقول وشو الى الان بس صار يخاف من النخل ؟؟؟!!!!!!
انتم وش رايكم بهذا الاسلوب في تربية الاطفال
يعني ينفع نستخدم هذا الاسلوب في تربية اولادنا في العصر الحالي
تنفع مع هذا الجيل ولالا
وكل وحده تقولنا ايش كانوا يخوفونها اهلها فيه وهل ترك اثر في نفسيتها ولالا