الصراحة
فيكم عجلة يابنات حواء انا كاتبة الموضوع منقول من الخيال علشان نستفيد من بعض وانتم اكلتوني اكل طبعا البعض
انهت توحه تنظيف بيتها وعاد كل شىء الى مكانه
استفادت كثيرا من نصائحكم لها ونفذت اقتراحاتكم
لم يبقى سوى دقائق وتصل حماتها من المطار
وهاهيا تبخر البيت وتجهز نفسها و الاولاد لاستقبال حماتها
وتدعو الله ان تعدى هذه الزياره على خير فقلب توحه غير مطمئن
ساترك توحة تحكى لكم بقيه الاحداث
وصلت حماتى وتسابقت مع اولادى عليها بالاحضان
قلت خليها تعرف انى طايره من الفرحه بيها
مع انى شايله عليها ؟!
ايش يجيبها مو كنا عندها قبل شهرين يعنى مره وحشها ولدها
يلا خلينى الحق الهدايا
وي فين نصيبى ..
على راي المثل "ياما جاب الغراب لامه "
جابت لولدها واحفادها ولا افتكرتنى بشىء
هذا وانا ماروح لها الا وانا محمله ..
وعلى راي المثل :
سوي طيب وارميه في بحر جاري ان ضاع عند العبد مايضيع عند الباري
بس اشبها تطالع فى البيت كد باستغراب !!!
شوفو الحرمه تمسح الطاولات باصابيعها تشوفو مغبر والا لا
وعينها طالعه على الكنبات والجدران
والله نايبك ياعمه طلع على شونه
عضوات منتدى عالم حواء ماخلوكى تمسكى عليا شىء
وى ايشبها تطالع فى ولدها شكلها تبغى تقولو شىء
خلينى اروح اعلق على براد الشاي
واتصنت من ورا الباب
<B>واعرف ايش الهرجة
حماه توحه
ليش ياولدى تكذب عليا .
وتخلينى اخطب لك نبيلة بنت اخويا
قلت ان توحه وسخه فى بيتها
وانا شايفه كل شىء فى مكانه ويلمع
صحيح ان توحه لسانها يكنس ويرش
وامها قويه مستقويه وبيتها ماينزار و قدرها ماينعار
الله يسامح الى دلنا عليهم وضيع سعاد بنت اختى علينا
بس انا مارضى بالظلم ياولدى
ايش يقولو الناس اخذناها مكويه ورميناها مجعلكه
توحه
وه ياندامة
انا مجعلكه!!!
اخ بس لو ماكنت بتردى ولدك عنى
وانا الى كنت خايفه من شرك
طلعت النيه مبيته عند ولدك
وهذا وهو كل يوم يقلى
حبك في قلبي يا توحه زي حب الاقرع للكوفية
وانا زى الهبله مصدقه
الحمد لله انى لحقت نفسى قبل مالفاس يوقع فى الراس
.
.
.
.
بصراحه ماقدر الوم الرجال
بيتى كان عفص وكرفس وشيء يصد النفس
خلاص تبت ماراح اهمل بيتى و اشتت اولادى
وماراح اترك مجال لزوجى يفكر يتزوج عليا
وراح اتحملك ياعمة لين ترجعى لبيتك ولا كانى سمعت شىء فيا ولا فى اهلى
..... في الغار ولا ضره في الدار
وشكرا لعضوات منتدى عالم حواء لمساعدتهم ليا بالنصائح والافكار
واقبلو منى تحياتي وشكري
وكنيسى كان زي كنيس ام عتمان
تكنس الوسط وتسيب الاركان
وتقبلو هاذي الهدية مني لكل وحده ساعدت توحة تنزل بعد 5 دقائق انتضروني
</B>