هدفك من التطوع انساني ونبيل
بس في وسائل كثيرة تحقيقي فيها التطوع ماهو لازم السفر او تكوني غنية
عشان نحقق الهدف لازم نستخدم الوسائل المتاحة والمتوفرة عندنا بس مشكلتك تبغي تحققي هدف بوسائل ماهي متاحة لك
روحي المستشفيات الحكومية تلقي كثير مرضى بالذات الأجانب مقطوعين مافي احد يزورهم مجرد زيارتك لهم راح تعني الكثير لهم كيف لواخذتي هدية معاك حتى لو ماهي غالية
وزوري الاطفال المرضى ومعاك لو هدية بخمسة ريال والعبي معاهم شي واجبري خاطرهم
انضمي للجمعيات الخيرية
شوفي اقاربك ومعارفك حولك اكيد فيهم المحتاجة للمساعدة
اجمعي من معارفك الأغراض اللي مستغنين عنها ملابس او ادوات مدرسية وغيره وغلفيها بشل جميل وروحي الأحياء الفقيرة وزيعيها
اعرضي نشاطاتك لصديقات او قريباتك ممكن احد حاب يشارك معاك بالنشاط وأعملوا قروب عشان تقدروا تقدموا خدمات تطوعية أكثر
المهم اذا عندك عزيمة واصرار وحماس صادق مع حسن تصرف راح تقدري تحققي حلمك بإذن الله
إسبريسو
•
مافي شي غريب في موضوعك كل الناس تتمنى انها غنيه وانها تقدر تساعد الغير عادي يعني وكمان مو كل الامنيات تتحقق لكل الناس والحمدلله على ماكتب ربي لنا
الصفحة الأخيرة
واقدر اقول انك للاسف مشكلتك الاساسيه تمشين بالحياه فقط على الاحلام وشعور الحماس اللي تحسين فيه
وغايب عن بالك ضرورة التخطيط والدراسة التفصيليه واكتساب الخبره والإلمام بمتطلبات أي مشروع
عشان كذا تلقين نفسك كل مادخلتي مشروع احلامك بحماس تنصدمين بالواقع اللي ماحطيتيه في بالك وتفشلين
انتي مثل اللي عنده الرغبه والطاقه والحماس والقوه لصعود قمة جبل لكن يفتقد للخريطه اللي توضح المسارات والاتجاهات ويفتقر للاساسيات والادوات اللازمه للصعود والنزول بشكل آمن بدون اصابات
وهذا رابط احد مواضيعك سبق كتبت لك ردود حاولت اوصل لك فكرة انك لازم تجلسين مع نفسك وتفهمين نقاط قوتك وتطورينها وتشتغلين عليها عشان فعلاً تكتسبين الخبره وتفهمين نفسك اكثر لأيش تميلين
لكن للاسف كان ردك انك ماتعرفين نفسك وش تبين او تهتمين لأيش
طفشت كل ماطقها عوجه
نصيحتي لك احلمي واسرحي بالخيال لكن هذا لا يمنع انك تنزلين لأرض الواقع وتعيشينه
عمرك شفتي رجل اعمال او تاجر او دكتور او طباخ او خياط يدخل مجال مهنته بدون علم ودراسة واتقان ؟
احياناً يكون عندك مواهب وهوايات لكنك تستصغرينها بل ان نظرتك لها نظره سطحيه لانك معميه نفسك عنها كهوايه ممتعه ومركزه على الجانب المادي فقط كل شي تفكرين فيه كيف اكسب منه فلوس حتى لو ماعندك تفاصيل كافيه عنه ولا خبره وحتى لو شخص يمدح لك حاجه ممكن تجربينها بس لانه مدحها وحمسك لها
الحماس وظفيه في مكانه الصحيح عشان ماتستنزفين طاقتك
خصصي جزء من طاقتك وحماسك في التركيز والتدقيق والتفكير والدراسه
وبخصوص التطوع كلنا نتمنى نخوض تجارب التطوع والمساعده لكن مو شرط يكون التطوع في بلدان بعيده ونائيه تقدرين تتطوعين لخدمة الوالدين او مساعدة الاسر الفقيره او تفريج كربة المساجين بسبب الديون
التطوع لا يستلزم قدرة ماليه ولا سفر
يحتاج منك فقط صدق وسعي والبدأ بالاقرب ثم الاقرب وهكذا
وربك يعلم بصدق نيتك وراح يسهل لك الطريق بإذن الله