نهاية قصتي مع .......................

سلام عليكم بنات

انه اليوم بكتب لكم نهاية قصتي مع الروكاتان

انه استعملت هالدواء تقريبا شهرين و نصف و تركتها من شهر و شوي بناء على امر من الدكتورة
لكن حبيت احكي لكم شو صار معي بالضبط

في البداية ما تاثرت الحبوب بل صارت تطلع بزياده
لكن بعدين بدات بشرتي تنشف و خفت الحبوب
تدريجيا صارت بشرتي يزيد جفافها و الحبوب تنشف لين ما صارت بشرتي كأنها سمكة من القشور اللى فيها يعني من صوب حبوب و بعد قشور من الجفاف
عيني بعد جفت كثير كثير و ما نفعت معها المرطبات و كانت تأديني أكثر شي لما أبغي أنام و لما أصحى من النوم
شعري صار كثير جاف و زاد التساقط فيه ( انه كان قبل العلاج يتساقط و جاف لكن مع العلاج زاد ) لا و اللي زاد الطين بله انه الدكتورة قالت لي لا تستعملين اي زيوت او كريمات لشعرك لانه عندك حب في ويهك
جسمي ما قلت لكم عنه ....... صار كثير جاف لا و سمرت بعد يعني اكيد من الدواء لانه جسمي ما يتعرض فيه البطن او الفخود او غيرها للشمس
ايه ويهي سمر بعد:31: و طلع لي نمش قليل عند عيوني شفايفي (الله لا يوريكم كيف صارت من الدواء) اتنفخت و تضاعف حجمها كأنها شفايف نانسي عجرم :01: لا و صارت كثير جافة و تحرقني و لونها احمر يعني ما كان يفيد فيها المرطبات إلا مؤقتا يعني بس وقت اللي احطهم بس بعدين ترجع مثل أول

الحين بقول لكم شو الزين اللي صار لي اثناء العلاج
مثل ما قلت قبل الحبوب خفت كثير لكن الأثار مثل ما هي يعني لون الأثار بنب غامق الى احمر غامق و حفر :44:
و جهي طبعا قل دهنه و لمعته
في شي لاحظته كان غريب و اللي هو انه الزيوان اللي كان في ويهي اختفى انه لان كان عندي نقط سوده على الخشم و كانت ما تروح بس بالدواء اختفت يعني موخفت لا اختفت :27:

بعد الشي اللي لاحظته انه شعر ويهي خف ( صدقوني ما اشلخ) اي حتى انا كنت يقولون لي قبل العلاج انه شعرك على الخشم و الخدود زايد لكن لمه استخدمت الدواء طاح الشعر يعني صار خشمي بدون شعر وخدودي خف الشعر فيها :32:
الشي اللي بعد زين هو انه مسامات ويهي خفت يعني كان قبل العلاج عندي مسامات واضحة في الويه لكن مع العلاج قلت كثير (يمكن لنه الدهن في ويهي قل)

لكن اللي مو زين انه لما وقفت العلاج بده ويهي يرجع مثل اول :06:
يا فرحة ما تمت :44::
يعني بدات الحبوب تطلعت صغيرة و كل ما لها تزيد
المسامات رجعت كبرت
خشمي صاير كانه خريطة من المسامات و الحبوب الصغيرة
ويهي كثير مدهن
شفايفي رجعو شوي لطبيعتهم لكن للحين شوي منتفخين
شعري للحين جاف
الحبوب السوداء بدت تطلع في ويهي
وشعر قام يطلع على خشمي و ويهي و كانه زاد لانه حتى فوق الخدود يعني قريب شوي من العين قام يطلع :06::44

شسوي يا بنات هذي قصتي و اللي عندها اي حل و خصوصا الاثار و الحبوب لا تبخل بيه علينا :(: