نهاية قصتي مع زوج ظالم طاغيه والتفاصيل بالداخل

السلام عليكم ورحمة الله وبركااااااااته
كيف احوالكم حبيباتي اتمنى تكونوا باحسن حاااااااااال يارب
نزلت موضوعي واستشرتكم وماقصرتووا معاي حبيت اعلمكم بالتممه وهذا رابط موضوعي الاول
http://forum.hawaaworld.com/showthread.php?t=3503821

وعسى ان تكوون خيره والللهم لك الحمد حتى يبلغ الحمد منتهاه بقية القصه انو
يوم الخميس اللي فات كان في عشاء رجال وسويت العشا وبيضت وجهه مع انه مايستاهل وبالليل جاء ينام وانا من بعد ما كلمت الشيوخ مالي نفس يقرب مني ماعطيته وجه عصب وتنرفز وقال اطالع مقاطع واريح نفسي ابرك منك
يوم الجمعه قومني 11وربع يقوول قومي يالشغاله سوي فطور كنت تعبانه بس قلت عشان يصلي الجمعه ويوم جبت فطوره تفل بوجهي طبعا متنرفز من اامس وسكتت عنه ااكل وكمل نومه ماصلى الجمعه كالعاده قام وسافر كان عنده سفره ضروريه
جاء السبت وطبعا انا كارهته من فعايله ومو قادره اطالع فيه جاء ويقول انتي ليش متغيره علي ماتخلين عوابتك والله لاخلي ايامك سوودا واخليك تتأدبين ويهدد ويتوعد قلت اصلا ان قعدت معاك قال ليه اذا بنت رجال كلمي اهلك قلت انا مكلمه الشيخ وقالي حرام تقعدين مع واحد مايصلي قال من سمحلك تكلمين شيخ وانا مستعد احلف عالمصحف انك ماتصلين بس تصلين قدامي ولا رحت ماتصلين والله اعلم من وراي وش تسووين قومي جيبي جوالك وسكتت انا طبعا ارتفع ضغطه وعصب فجاه وتغير وجهه وقام يضربني بدوون رحمه وقمت اصارخ من الالم واهله تحت سمعووا ماكان فيه الا خواته وخوه امه مسافره وابووه طاالع وانا اصارخ ابي احد ينقذني منه انجن وقام يصارخ ويضربني وسمع اخووه يناديه وقال فضحتيني اسكتي وراح للمطبخ وجاب سكين حق اللحم الحاد تخيلووا شكلي وقته اه ياربي وقمت اصارخ ومارجمني انجن ويبي يذبحني وجلس فوق صدري ويد ماسك يدي والثانيه فيها السكين وانا ماسكتها ويبي ييطعني وقعدت ادعي ربي بقلبي حتى ما اقدر احرك لساني وبنتي تبكي وفلت منه وقعدت احب رجووله ابيه يهدا عشان لا يذبحني وسكت وقعدت ابكي وهو مانزل السكين من يده وقال جيبي الجوال قلت ما اقدر اتحرك تلقاه بالغرفه وكنا بالصاله وراح يجيبه وهربت تحت وقالوا روحي الحمام فيه مفتاح ورحت وقفلت ع نفسي نزل زي المجنووون يصارخ وينها وينها قالوا وش تبي فيها قال وينها بصراخ طبعا اخوه كان واقف ما قدر يمسكه خاف منه لانه مرا منجن ويبي يكسر الباب علي يقول فضحتني عند اهلي وبهاللحظه جاء ابووه وقام يهاوشه وقالي اطلعي طلعت وتخبيت وراه وقلت فكني منه ياعمي يبي يذبحني بالسكين قال وش تبي فيها قام زوجي يتكلم عاد عنده اسلوب ينفخ اللي قدامه بالاحترام والمدح عشان يصدق كلامه المهم قام يقوول هذي عوبا وتعاندني ووصخه وفيها ومافيها وتكرهكم وماتحب تنزل عندكم ولانزلت بس ماسكه جوالها وساكته طبعا وربي كذب بس يبي يكرههم فيني قال عمي حنا غنيين عنها المهم قلت ياعمي انت تصدقه ليش ماتعرفني 4 سنين عايشه معكم قال مدري عنك انتي بس ساكته انقهرت يا بنات قلت يافلانه انا ماتعرفوني ان 4 سنين عندكم ماتعرفون اخلاقي قالت انتي ساكته بعدين المره بينها وبين رجلها غير اه يابنات انقهرررت يابنات اتداور معاهم بالغدا والعشا واقهوي ضيوفهم ولاعمري تهاوشت مع وحده فيهم ولانقلت كلام دايم مكرمتهم وعازتهم برمضان اسوي السفره من هنا لهنا بس الشكوى لله
المهم قلت بتوقفون مع ولدكم وهذي اسبابه يوم يبي يذبحني بالسكين انا ابي اهلي ودوني لهم طبعا اهلي بمنطقه ثانيه انا ابي الطلاق هالرجال ما ينعاش معاه ويكفي انه مايصلي قال عمي الله لا يسامحه انتي مو ثوب للرجال انتي نعل للرجال تخدمينه وتطيعينه وقال اقلعها قلعة جدي الحريم واجد انا اازوجك هاالعم اللي جايه ورا ظهره ابيه يحميني يقول هالكلام اللي كل ما شفته حبيت راسه الله لا يسامحه المهم طلعت فوق وناديت اخته وقلت لها انها مايصلي قالت اصلا هم من قبل لا ياخذك ما يصلي وقلت زاني ووريتها مقاطع له ماهي فاضحه لكن تثبت الخلوه المهم راحت وطلع عمي جاء زوجي وقفلت الباب جاء يحاول يكسر الباب وكسره ودخل يضربني بالعقال اني نزلت تحت وطلع المهم كلمت اخوي بكرا بجي وابوي كلمته الصباح واستخرت ودقت علي اخت زوجي الكبيره وعلمتها بالسالفه قالت والله حنا عارفينك وخابرينك تنحطين عالجرح يبرى واخوي مدري شبلاه مسحور عنك وقامت تبكي تقول فضحنا فيك والله متفشلين منك س روحي لاهلك وافتكي منه بعدين وجت العصر كنت ارتب اغراضي بالشناط كانت تكلم زوجي وتهاوشه وقالت رح تعذر للمره بتمشي لاهلها قال هاه بتمشي وانجن وطلع لي فوق ولحقته هي يبي يضربني وقفت بوجهه اخته وضربها وطاح ع الارض يبكي يقول ليه تروحين لاهلك ليه تخربين بيتنا وقالت حماتي انزلي تحت لا يضربك بعدين جاء تحت وقعد يراضيني قلت هالكلام ما ينفع الحين فات الفوت وشافني مصممه قال من بيجي قلت اخوي وعمي انهبل قال يعني فضحتيني الله يفضحك وطلقني وقال بنتك ماتاخذينها راحت حماتي قالت له المره نفسيتها تعبانه تهدا وتجي شهر شهرين وسكت المهم جاء اخوي وعمي وتكلموا معاهم وجاني زوجي يترضاني تكفين لاتروحين انا احبك ما القى مثلك والله مالقى ويحاول فيني وهو كذاب كلامه سمعته مليون مرا واذا يحبني يحافظ علي مو يجنني المهم قعد ساعتين يحاول فيني احس ترددت مع اني عارفه انه كذاب خايف ع نفسه من الفضيحه ودعيت ربي يكتب لي الخيره لاني احترت المهم سبحان الله بعدها اصريت اني ارجع مع اخوي وقال ترا منتي قد الطلاق قلت انا احمد ربي قال تحمدين الله ع الطلاق والضرب والسكين قلت احمد ربي اللي جعل مصيبتي في رجال مو في ديني وانت يافلان مصيبتك بدينك وترى الدنيا فانيه طلعت وخليته وانا الحين عند اهلي ابوي وقف معاي وامي واهلي وانا مرتاحه نفسيا الحمدلله والحين بنقل كليتي من منطقه طليقي لمنطقة اهلي
ادعوولي ربي ييسر ااموووري ويسهل حملي وولادتي ويرزقني الولد الصالح
وشرايكم بنهاية قصتي تشوفون اللي صار خيره لي انه رفع علي السكين عشان افتك من كلام الناس اه سبحان الله
نشيل همووم ونفكر وماندري ان ربي يدبر امورنا في السماء
الحمد لله الحمد لله الحمد لله حتى يبلغ الحمد منتهاه


ادعووووووووووووولي ربي مايحرمني من عيالي يااااااااااارب ويعوضني فيهم خيييييييييييييييير