نوال اليحي ........اجتماع مع معلمات من مختلف مناطق المملكة

المديرات اذا كثرت عليها الشكوى وثبت سؤ نواياها وتعاملها وعدم عدلها ترجع معلمع ولا مساعده بس لايصير في ايدها سلطه مركزيه

اولا السلام عليكم بالصراحه المعلمه هي الطرف المظلوم في العملية التعليمية الكل يبغى يطلع على حسابها فاالمديرة تبغى منك كل المدرسة تنجح و مامحد يرسب حتى لو ما استحق النجاح وتبغاكي تكوني متعاونه مع الادارة (يعني تقومي بااعمالهم )والا انتي معلمة غير متعاونه والله المدرسه يلي انا فيها المدرسات يقمن بنصف اعمال الادارة والاداريات ماعندهم غير السوالف وشرب القهوة واحنا مظغوطين بين حصص واحتياط ومناوبة .ومشرفتك تبغى منك مشاركات فنيه علشان المعرض الفلاني(علشانتبيض وجهها ويقولو ماشاء الله هاالمشرفه نشيطه)ومشرفة النشاط تبغى منك تسوى حفله اومحاضرة او برنامج .......والمرشدة الطلابية تبغى منك يوم تمهيدي واعمال لجان ونراعي البنات ونشوفخاطرهم واخيرا الطالبة تبغى منك تنجحيها حتى لو ماتستاهل....ولو حصل يوم واشتكت المدرسة يقولو لها حللي الراتب ......خلاصة القول انه يجب علينا ان نركز على العملية التعليمية و نتركنا من توافه الامور ماتقدم ولا تأخر يعني لو الوزارة تحول ميزانية النشاط الطلابي يلي تبلغ الاف الريالا ت سنويا وتصرف على اشياء سخيفة على ورق وكراتين ولصق وورود وتتلف كل اخر سنة امام باب المدرسة لو نستفيد منها بترميم المدرسه و شراء الاجهزة التعليمية وعمل مصليات ومسرح وساحات خضراء..........لكن للاسف لا حياة لمن تنادى اظن التعليم لن يتطور و يتقدم مادام في ناس تفكيرهم انهم خلوا المعلمة تحلل راتبها ماهم عارفين ان كل ما المعلمة ارتاحت نفسيا في العمل كلما ابدعت في عطاءها و العكس صحيح و ما اقول الا حسبي الله ونعم الوكيل

هلااااااااا اخواتى

عسيله
اقتراااااااااح جيد او على الاقل ان يتم تناوب المديرات كل 5 سنوات فى مدرسة لانه من الصعب اللى حظهم طيحهم بمديرة ********* يجلسوا يعانوا على طوووول واللى مديرتهم عسل تظل فترة خدمتهم كلها عسل

علشان كذا المفروض المديرات يتغيروا


*ضاويه*

هلاااااااا حبيبتى

اى والله مسكينه هالمدرسة ماتدرى وش تسوى
هى تدرس ولا تصحح دفاتر

ولا تنظف المستودع حق الوسائل

ولا ترتب ملفات المعلمات وتفهرسها

ولا تدخل احتياط وريادة ونشاط ترى هذا كله كلللللللللللللللل المدارس تعملة
لااحد يقول لى هذا عمل ادارى

اذا جت المديرة وطلبت انك تعملى كذا ولا كذا من هى بنت ابوها اللى تقول لا
واذا وحدة تجرأت وقالت هذا عمل ادارى تلااااقى عشرة غيرها ييعنى انا متعاونات ونشيطااااااات ( حرررررررريم )

النشاااااااااااااااااااااااااااااااااااااااااااااااااط

وماادراك مالنشااااااااااااااااااااااااااااااااااااااااااااااط

الارشاد ونعترف ونقر انه مهم جدا فى المدرسة والمصلى كمان دوره ماهو بعيد عن الارشاد والتوجية والمدرسة الناجحة هى اللى مرشدتها ناجحة لانها تعتبر همزة وصل بين الطالبة والبيت والمدرسة

لكن النشاط والله انه تضييع للوقت واهدار للفلوس بس على الفاضى واكبر ميزانية فى المدرسة للنشاط واخر السنه كل هالبحوث والنشرات والمجسمات فى اقرب زبالة جنب المدرسة

النشاط اذا ماكان له دورات تمس حياة الطالبة وفى ورش عمل ومعامل ومختبرات بلاااااااااش منه احسن
لااااااا ورائدات النشاط على 16و 20 و22 حصة الى جانب النشاط بالله عليكم كيف تصير

اذا اردت ان تطاع فامر بالمستطاع
يعنى مو وحدة معاها جدول كامل واطالبها بتفعيل برامج النشاط والله حراااااااام ومايصير

وهذااااااااااا اللى صااااااااااير تعميم العمران اللى بخصوص رائدات النشاط ونصابهم فى الزباااااالة والرائدة مسكينه تكرف فى هالمدرسة من حصص الى نشاط الى إذاعة الى .......الى

اتمنى من اللة ثم منكم النظر في وضع معلمات رياض الاطفال والذي لا يعلم بحالهم سوى اللة ........
وخاصة اللي تشتغل في المدارس الخاصة والتي تستغل كل قدرات المعلمة ثم تستغني عن خدماتها بكل بساطة
لكي يكون مصيرها البحث عن وظيفة اخرى ............وممكن تلاقي وممكن لا ...اتوقع ومن خلال تجربتي ان الوضع لا يمكن اني اشرحه .........احنا محتاجين احد يدرس وضعنا خاصة واننا مالنا نصيب في الروضات الحكومية ......للاسف فقدنا شعورنا بالأمان وطول الوقت مهددين بإلغاء عقودنا واصبح عملنا مثل العاملات في المنازل .....نتولى ترتيب الفصول وتزينها واعداد الاركان بكافة محتوياتها من مالنا الخاص بحجة عدم قدرة المدرسة على توفير ورشة عمل ووصل بهم الامر ان نشتري (سماط+اطباق) لتناول الوجبة .......يعلم اللة بصدق كل كلمة كتبتها ولو كان العائد المادي الذي نحصل عليه يقارن بالمجهود الي نقوم فيه كان الامر يهون لكن بالاضافه لقلة الراتب وسحب التامينات الاجتماعية تكلفنا المدرسة بتوفير المواد .....واللة تعبنا ومالنا بعد اللة إلا انتم في النظر في مشكلتنا.............