اول شي سلقت مكرونه اسبجيتي نص سلقه .. مع مكعبين ماجي .. وزيت
و صفيتها من الماء واحتفظت فيه
على مقلاه او طاوه كبيره ..
اسخن الزيت .. و اقلي فيه بصل مقطع شرائح طويله رفيعه
لحد مايذبل البصل .. اضيف له اعواد الجزر الرفيعه .. و طماطم مقطعه شرايح رفيعه
و اضيف له الثوم و البهارات ( بزار حار - بزار دجاج - بهارات صينيه - فلفل ابيض - مكعب ماجي )
و خل و صويا صوص ..
و كثروا شوي من الخل والصويا صوص .. عشان يعطينا الطعم اللاذع المميز للأكل الصيني
نتركه لحد مايتجانس .. نضيف له قطع الدجاج المكعبات ..
وممكن استخدام الربيان او اللحم .. يعني حسب الرغبه ..
ونحركه لحد مايستوي الدجاج ..
و نضيف المكرونه المشخوله .. للخليط .. و نضيف لها كميه من الماء اللي سلقناها فيه
نضيف لها الان باقي الخضار ..
بروكولي .. ( قرنبيط او زهره لونها اخضر ) او زهره عاديه ..
و فاصوليا خضراء طازجه .. و خس صيني
وممكن فلفل رومي اخضر او فلفل اصفر .. او اي اضافات اخرى تحبونها
بس انا ما حطيت الا البروكولي و خس صيني
و نغطيها على نار هادئه لحد ماتستوي المكرونه وتتشرب الماء والنكهات
بس لا تخلونها تستوي اكثر من اللازم لا تتعجن عليكم :hahaha:
..:: ملاحظه ::..
لا استخدم الملح في هالوصفه .. يكفي الملح اللي في الماجي و الصويا صوص
وبالعافيه على الجميع
