نوره الحوشان شاعره معروفه ويشهد لها بكرمها وعطفها على الفقراء والمساكين بشهادة كبار السن وماينقلونه من اخبار عنها .
تزوجها عْبود بن علي بن سويلم الشلواني العازمي وجابت منه ولد سمته حوشان على ابوها
من قصايدها المشهوره قصيدة ( الي يبينا عيت النفس تبغية ) وقصة القصيدة هي :
كانت تعيش مع زوجها عْبود بن علي بن سويلم وكانوا يحبون بعضهم حب ماهوب سهل المهم في يوم من الايام صار بينهم خلاف قوي مره كانت نتيجته ان زوجها طلقها بالثلاث
بعد طلاقها تقدمولها كثيرين يبون يتزوجونها لانها كانت مزيونه ومن عائله معروفه ومحافظه لكنها رفضت الزواج بعد زوجها عبود وفي يوم من الايام كانت تمشي بطريق يمر بمزرعة زوجها الاول اللي هو عبود وكان معها عيالها ويوم مرت بمزرعته شافته ........ وقفت على اول المزرعه واراحوا عيالها يسلمون على ابوهم وصارت تنتظرهم لين رجعوا . اخذتهم وكملت طريقها وهي تهوجس بعبود وتتذكر ايامها معه وتذكرت اللي تقدموا لخطبتها بعد طلاقها منه ورفضها لهم ثم قالت هذه القصيده اللي فيها بيت صار مَثل عند الناس من ذاك الوقت لين الحين
يا عين هلي صافي الدمع هليـــــــــــه
واليا انتهى صافيه هاتي سريبــــــــه
يا عين شوفي زرع خلك وراعيــــــه
شوفي معاويده وشوفي قليبـــــــــــه
من أولن دايم لرايه نماليـــــــــــــــه
واليوم جيتّهم علينا صعيـبــــــــــــــه
وان مرني بالدرب ما اقدر احاكيـــــه
مصيبة يا كبرها من مصيبــــــــــــة
اللي يبينا عيت النفس تـبغيــــــــه
واللي نبي عيا البخت لا يجيبــــــــه
بنتـ سليمان @bnt_slyman_1
كبيرة محررات
يلزم عليك تسجيل الدخول أولًا لكتابة تعليق.
عبير الجهني1
•
ي حليـلهااا ..
αиfαℓ
•
تدرين انها تزوجت فيما بعد من ولد أخو زوجها وعاش معها بسعاااده.تدرين انها تزوجت فيما بعد من ولد أخو زوجها وعاش معها بسعاااده.
لااااااااااااااااا 😭💔
و هذي السطرين ايش موقعها من الإعراب
اللي يبينا عيت النفس تـبغيــــــــه واللي نبي عيا البخت لا يجيبــــــــه
كنت متأثره بالسالفه لكن الحين خلاص راح التأثر 😂
و هذي السطرين ايش موقعها من الإعراب
اللي يبينا عيت النفس تـبغيــــــــه واللي نبي عيا البخت لا يجيبــــــــه
كنت متأثره بالسالفه لكن الحين خلاص راح التأثر 😂
αиfαℓ :
لااااااااااااااااا 😭💔 و هذي السطرين ايش موقعها من الإعراب اللي يبينا عيت النفس تـبغيــــــــه واللي نبي عيا البخت لا يجيبــــــــه كنت متأثره بالسالفه لكن الحين خلاص راح التأثر 😂لااااااااااااااااا 😭💔 و هذي السطرين ايش موقعها من الإعراب اللي يبينا عيت النفس تـبغيــــــــه...
ههههههههههههه
خربت جوك أجل.
والله حسب ما قرأت في سيرتها.
والغريب ان زوجها كان يتمنى ان ولد اخوه يطلقها عشان يتزوجها.
لكن الولد حبهاااا.
خربت جوك أجل.
والله حسب ما قرأت في سيرتها.
والغريب ان زوجها كان يتمنى ان ولد اخوه يطلقها عشان يتزوجها.
لكن الولد حبهاااا.
الصفحة الأخيرة