شحالكم حبيباتي بنات حواء..
أولا.. شرايم بهالصورة؟؟
نبتدي أول شي بسلطة الملفوف والرمان..
المقادير..
طبعا على حسب الكمية اللي تبقونها..
ملفوف أبيض
ملفوف بنفسجي ( أفرنجي) نص كمية الأبيض بس هنيه أنا زيدت منه والأحلى نقصانه
رمان على حسب الرغبة
نعناع مفروم
التتبيلة:
( زيت زيتون + عصير ليمون + ملح + أوريجاون وأي أعشاب عطرية مجففة مثل البقدونس أو أعشاب خليط السلطة)
الطريقة:
1- نفرم الملفوف بنوعيه ناعم جدا ثم نضيف الرمان والنعناع..
2- نتبلهم بالتتبيله ونزين الصحن.. ونقدمها بألف عافيه..
وهذي صور السلطة..
من قريب..
ثاني شي الخبيز.. طريقته سهلة جدا والطعم يمييييييييييي..
المقادير:
خبيز طازج كمية.. نقطع الورق مع قليل من العود معه بطول اصبع..
بصلة كبيرة مفرومة..
ملح وفلفل أسود وبزار أو أي بهارات تحبينها..
عصير ليمون تقريبا ربع كوب..
الطريقة:
1- نحمس البصل بشوية زيت زيتون مع زيت عادي لحد مايذبل..
2- نضيف الخبيز ونتركه يستوي ونسكر عليه شوي عشان يذبل.. ونضيف البهارات ونتركه لحد مايستوي وينضج..
3- نسكر النار ونصب عليه عصير الليمون ونغرفه بالصحن..
وعوافي على قلووووووبكم يالغاليات..
بالتقديم: نضع من الخبيز بالصحن وبجانبه روب ( زبادي ) ويؤكل بالخبز أو حتى عادي بالشوكة اذا حبيتوا..
هذي صورته بالحرارة وطالع منه دخان ههههههههه
شرايكم.. وياريت لو عندكم طرق ثانية للخبيز..
تحياتي لكم ودعواتكم..
بارك الله فيك والله يحفظك يا قمرررررررررررررر
شكلها مشهيه ما شاء الله