نوع نادر من السرطانات النسائية ..

السلام عليكم ورحمة الله وبركاته :26:
ماني عارفة كيف أبتدي بس حبيت أشارك بالتجربة اللي مريت فيها أفيد وأستفيد أيضاً من تجارب الاخوات هنا ..
قبل سنة تقريبا صار معاي نزيف والام فضيعة في منطقة المهبل وكنت حاسة ان فيه شي غلط .. ومن كثر ما تعبت من الدكاترة وتملكتني الحيرة فعلا كتبت موضوع هنا اسأل فيه البنات http://forum.hawaaworld.com/showthread.php?t=2824724

وبعد شهر من موضوعي هذا اتصلت علي الدكتورة وقالت تعالي اشوفك ضروري !!
طلع معاي ورم كبير بحجم 4 سم ساد الجزء الاعلى من المهبل والتشخيص سرطان في المرحلة الرابعة ..
الحمدالله على كل حال قدرت اتماسك بفضل من الله مع ان عمري بدري على كذا سرطانات وحتى الدكتور بعد كل الفحوصات مستغرب جدا ويقول ماهو شايف أي سبب لإصابتي بالسرطان !

طبعاً بفضل من الله تعالجت كيميائي وعلاج اشعاعي سوا
الكيميائي خمس جلسات والاشعاعي 20 جلسة خارجي و3 جلسات داخلي ..
حاليا مر على علاجي 11 شهر .. بس لغاية الحين الدكتور ماقال لي شفيت تماما
دايم يقول بعد سنتين اقدر اقول لك ..
اللي متعبني بقوة هي الاثار الاجانبية للعلاج ..
1- انقطعت عني الدورة وصار معاي سن يأس مع ان عمري 37 سنة
كل 4 ساعات تجيني هبات حرارية وصرت عصبية ومتقلبة المزاج
كل اعراض سن اليأس بدت فيني من الحين ..
2- عظامي صارت ماتشيلني زي أول .. حتى في السجود يلااه اقوم كأني جد عجوز ماتقدر تتحرك ..
3- منطقة المهبل نفسها تخشبت .. صارت ضيقة جدا ومتلاصقة ببعض ببشكل مؤلم
مع ان مر 11 شهر لغاية الحين مؤلمة :icon33:

اتمنى اللي عندها تجربة مثلي او تعرف احد مر فيها ياليت ما تبخل علي بمعلومات ممكن تفيدني
لأن كل المقالات والمواضيع الخاصة بتجارب سرطان االمهبل كلها بالانجليزي
ومالقيت ولا موضوع او مقال يشرح تجربة امراة مرت بتجربة سرطان من هذا النوع