نومنا اختي بالمستشفى وهي تصيح وتصرخ

السلام عليكم
بدخل بالموضوع على طول عندي اخت انسانه طيبه وقلبها نظيف ونقي اتخرجت من الجامعه وتوظفت سنتين وبعد ماتركت دوامها بدأ مرض الفصام معها

البنت صارت طول الوقت تظن انها مراقبه وان في ناس يراقبونها ويرصدون تحركاتها وان لها اعداء عن طريق النت ويراقبونها ويتريقون بشكلها وبعمرها وبكل شي
كانت عايشه بدوامه حرفيا جالسه بغرفتها ليل نهار،٢٤ ساعه لاتطلع ولاتروح ولاتجي واذا طلعت تطلع وهي ماسكه الجوال وعينها بالجوال ٢٤ ساعه وتكتب وتسب وصرت ادخل عليها غرفتها اشوفهاتسب وتخاصم بصوت عالي +انها تحط مكياج سهرات وتلبس فساتين بالصباح على اساس انها تبغى تقهرهم لانهم يكيدون فيها وصارت تشتري عطورات وفساتين ومكياج صرفت حوالي٨ الاف خلال اقل من اسبوعين
هذا غير انها عايشه بدوامه٢٤ ساعه تتعطر وتتمكيج تحط فل ميك اب +هذا غير تشتتهالمن نكلمها اونطلب منها شي صارت مومركزه بالها وعقلها وكلها مع الي بالنت الاعداء،الوهميين الي هي،اختلقتهم حالتها اتطورت جدا اشترت ٥ جوالات كل كم اسبوع تجيب لها جوال جديد وشريحه جديده عااساس انه يراقبون جوالها القديم ومخترقينه ويراقبون كل جوالاتها ويتابعونها
يعني حرفيا الانسانه صارت عايشه بدوامه ٢٤ ساعه وصرت اجلس معها اشوفها ماسكه جوالها وتسب وتشتم بقوة وتقولي اتخيلي. ش يقولون عني ي فلانه اقولها وش يقولون تقول يقولون تني اني رجال واني كبيرة بعمري واني عانس وووالخ غيره من السب+صارت تدخل دورة المياه بالظلام تظن انهم يراقبونها ويشوفون عورتها اذا دخلت بالنور +هذا غير انها صايرة عدوانيه وعصبيه جدا مثلا اسوي قروب لنا ولاخواتي نتكلم فيه واجي والاقيها تسبني وتقذفني ومرسله لي كلام طويل عريض بالواتساب وتطلع من القروب وتبلك جوالي وبعد ٣ او٤ ايام ترجع تراسلني وتفك الحضر عني لمن اسالهااقولها ليش،سويتي كذا ي لولو تقول والله مومني من الاعداء الكلاب ضغطوني نفسيا ي فلانه ضغطوني بشكل لدرجه موقادرة اتحمل حاولنا نقنعها بالعلاج واقتنعت والحمدلله اخذت العلاج حبوب سنه كامله وفهمناها ان الي عندها مرض الاكتئاب ماجبنالها طاري ان معها فصام ابدا واقتنعت تاخذ،دواء واخذته واتحسنت البنت جدا رجعت الانسانه الطبيعيه المتزنه العاقله ورجعت اختي الي،اعرفها والحنونه الطيبه الفاهمه الواعيه بعدهها بدا يسمن وزنها وبدت تزيد بالوزن والدورة صارت تنقطع عنها شهر تجيها و٣ شهور لا وراحت لدكتورة للنساء وسالتها انتي تستخدمي ادويه وورتها العلاج قالت لها اصل دا دوا للفصام هو السبب لك السمنه دي ولخبطه الهرمونات الي صايرة معاك بسببه وقررت تتركه حاولنا فيها وحاولنا بكل الطرق بشتى الطرق وقلنالها بنشوف لك دواء،ثاني مايسبب سمنه ولايلعب بهرموناتك رافضه جدا تقول لا مافيني شي،وبدأت تتنكس ورجعت الهلاوس والافكار انهم يتربصون فيها ويراقبونها ويكايدونها اقوى من قبل
لدرجه انه مرة بالليل واحنا نايممين اخواتي سمعوها تصرخ وتبكي بقووة ومنهاره عالاخير ودخلو غرفتهاوسالوها قالت الكويتي هذا يسبني ويقذفني ويتكلم بشكلي ويقول عندك شنب وحاط كاميرات بغرفتي يراقبني ويتكلم فيني وبشكلي وتصرخ بشكل هستيري وتبكي بقوة حاولنا فيها تتعالج تاخذ علاج تقول لا مراح اخذ اي علاج ابدا اما مافيني شي ولابرجع للعلاج الي سمني وخربط الدورة عندي
رحنا لدكتور اناواختي الكبيرة استشرناه بحالتها وبكيفيه العلاج. وفهمناه وضعها وقلناله اذا دخلت عندك لاتجيب طاري ان عندها فصام باروني تبدا قولها انتي عندك اكتئاب وضيقه بس واقنعها بالعلاج ودخلناها عليه بعد اقناع والحاح ودخلت وتكلمت معه وخرجت من غرفه الدكتور وتقول هذا الدكتور عارف عني اشياء كثيرة ونا عارفه مين الي اعطاه معلومات عني نم الاعداء ذولاك ومتففق معاهم وكتب لها ورقه علاج ورمتها بالزباله وبعدين رحنا له اناواختي قالي اذا رافضه العلاج بالدواء ممكن تعطونها ابرة بالشهر مرة واحده تصير تاخذها
ومايحتاج تاخذ علاج حبوب يوميا وكلمناها حاولنا فيها رفضت رفض قاطع تقول انا مافيني شي الاعداء هم الي يحتاج لهم علاج
وبعد ماااحاولنا بكل الطرق مافي فايده قررنا نوديها مستشفى الصحه النفسيه بجده استدرجها انا على اساس اني بروح اسوي تحليل للحمل وفعلا وديناها ودخلنا للدكتور اناواختي الكبيرة وشرحنا له حالتها من الالف للياء وقال بشوفها وشافها وبعدماخرجت من عنده من الغرفه طلعت مع بوابه المستشفى تبغى تهرب لانه قال لازم تنويم تتنوم ومسكوها الممرضات وحارس الامن وسحبوها بالقوة ودخلوها التنويم والله ي بنات ان قلبي يتقطع مايون قطعه عليها وعلى حالتها يعلم الله ماكانت نيتي ابدا ادخلها تتنوم وبهذا الشكل الا بعد مااستنفذنا كل الطرق الممكنه لعلاجها وهي رافضه ولاانسى وهم يسحبون فيها ونقابها طايح وشعرها طالع وتطالع فيني وتبكي وتتحسب علي تقول والله لاوريك راح ادفعك ثمن تصرفك هذا غالي وتدعي علي وتتحسب علي
ودخلوها التنويم ولاشفتها الموضوع صار له يومين ومانعين الزياره عنها اسبوعين يقولون عشان تندمج بالعلاج اااخ ي بنات ثم ااه والله اقوم بالليل افز وقلبي بيتقطع عليها كل مااتذكر نظرة الخذلان بعيونها
وبكرة بروح للمستشفى واطلب اني اشوفها ودي اطمنها انه ماراح تبقى بالمستشفى على طول بس فترة لسيطه الين ماتتحسن حالتها وتتعالج وراح نخرجها اااخ ثم ااه ي بنات مدري الي سويته صح اوغلط ولالا بس مدري وااله كل مااتذكر واعطونا شنطتها وجوالاتها ال٥ واغراضها كل مااشوف اغراضها اجلس ابكي. واصييح بقوة حزينه جدا للحال الي وصلنا له ااه بس ثم اااه
تكفون طمنوني كيف بيعاملونها بالمستشفى التنويم بالمحجر بجده +هل تصرفي الي سويته صح ولالا تكفوون دلوني الله يرحم والديكم تكفوون