نوم الرضيع في الشهر الرابع

وعليكم السلام ورحمة الله وبركاته
شي طبيعي ياقلبي كل الرضّع كذا نومهم خفيف عباره عن غفوات لأن معتمدين على الحليب لكن ان شاءالله اذاكبر شوي يصير ياكل ويثقل وينام بإذن الله في الوقت الحالي عوديه ينام ١٢ بحيث لو صحي الساعه ٣ يرجع ينام الفجر ربي يخليه لك ويرزقك بره

قيلولته خليه ياخذها غفوات ولاتنومينه وقت القيلوله في سريره
نوميه بمكان جلستكم
وبعد العشا لاينام نهائي حاولي قدر الامكان لاغفوه ولا غيره الساعه ١١ ان شاء الله يكون خلاص يدور النوم نوميه


انا ولدي عمره سنه ونص
ينام ١١ او ١١ ونص ويصحى ٢ او ٣ ويجلس ساعه او ساعتين ويرجع ينام
عجزت اخليه ينام متواصل للصباح


مدري طبيعي او لا؟

حبيبتي في الشهر الرابع كذا الاطفال نومهم واللي تقول صحيه واشغليه يجيه أرق الطفل ويتعب ويصير نومه متقطع خليه ينام بالوقت اللي يبي

يااختي ماراح يتعدل الا لمن يكبر
بعض الصغار لو تقومينه قبل وقته يجلس بنكد معصب ويصايح وماله نفس وخلق شيء وهو رضيع
كل طفل وله وقت وطريقه في النوم
فيه اطفال ينفع معهم تقومينهم قبل وقتهم او تخلينه
ماينام بالنهار ابدا
جربي تخلينه جالس ياخذ غفوه بالظهر مثلا
العصر اخره على المغرب وفوق ماينااام حاولي
بكذا الساعه ١٠ او ١١ يصير ينام

انا حاليا طفلي رح يكمل ال٤ شهور اول مرة اجرب أرضع طبيعي بدون ماً أعطي صناعي ماشاء الله بس ارضعه ينام باي وقت حتى لو صحي بالليل يكون منفوخ ألفه باللفة وارتب على ظهره يكون صار ماعنده مشكلة يرجع يرضع وينام ما شاء للله جدا الرضاعة الطبيعية مساعدتني ماشاء الله انصح فيها .بكل شي تساعد حتى النفخة ماينتفخ كثير ماشاء الله