متى ينتظم نوم الطفل أي عمر بالضبط
بليز لاتطنشون تعبت بنتي الله يحفظها ويشفيها عمرهت سنة ونص ونومها غير منتظم يعني ماتنام وقت طويل تظل صاحية ماشاء الله وأنا اشوف الناس نامو وصحو وأنا وهي بعدنا صحايين
بليز قولولي هل هالشيء طبيعي ان الطفل في هالعمر نومه غير منتظم وماتنام لين احاول انومها وطبعا بعد ساعات من المحاولة بعد ماكون جنيت صدق.
ماعندي غيرها ومدري كيف هو نوم الاطفال في هالسن وهل عادي يكونوا نومهم غير منتظم او كيف نعودهم ع وقت معين مثلا .
أنا مشكلتي عندي ارق وبصعوبة اتعود ع نمط وقت جديد للنوم يعني ودي انام مع بنتي نفس الوقت واشوف مالها وقت معين.
وأنا نومي ايام كنت بنت على كيفي وبحرية أي وقت صدق احيانا عندي دوام بس ماعندي مسؤولية في البيت غير شيء روتيني وامشي الحال..وتزوجت متأخرة بعد صعوبات وكوارث في حياتي الحمدلله ع كل حال ولكن جالي اكتئاب من بعد ولادة بنتي وصارلي قل نوم وعدم انتظامه واستمر معاي ودي أنتو كيف كان روتينكم مع اول طفل وهل نومه منتظم والا لازم أنا انظمه وفي هالعمر عادي نومهم كذا ماله وقت ؟
مزاجي متعكر طول اليوم من النوم المتأخر وصلت لحد بعد اذان الظهر وأنا صاحية شالحل مع الارق💔 مدري هو ارق حقيقي والا لان بنتي ماتنام يعني أنا حاول تنام وماتنام واطفش واترك الموضوع لين احس انها تعبت وبدت تصدم الجدران يارب تهديها ويحفظها ويحفظ لكم اطفالكم .
زائرة
يلزم عليك تسجيل الدخول أولًا لكتابة تعليق.
زائرة
•
غيمة نجد :
يا الله انا أعاني مرة من نوم بنتي عمرها سنة وشهرين تقريبا توها ماتمشي تحبي بس واحاول اطلقها تحبي عشان تبذل محهود ويجيها النوم لكن نومها قليل والله يمكن طفل بالابتدائي نومه أحسن منها💔 نومها متقطع وتفزز مدري هو مغص والا تحلم ولازم انا الي ارجع انومها الله يعظم الأجر والله اني اقنت بدعائي كله لها يتعدل نومها ومزاجها الله يسخرهم لنا ولايسلطهم حبيت اواسيك انا مثلك مالنا غير الدعاءيا الله انا أعاني مرة من نوم بنتي عمرها سنة وشهرين تقريبا توها ماتمشي تحبي بس واحاول اطلقها تحبي...
اميين يارب
الله يعين
يمكن مغص عطيها شوي مردقوش مع الماي زين للغازات
وفيتامين د ٤ نقط
شغلي قران احيانا يهجد الاطفال على صوت القرآن
بنتي الله يصلحها ويحفظها يوم تنام عشر الصبح وبعد جهاد نومها مقطع ودي اخيطه وزوجي عنده دوام ظهر ولازم اصحى وعيوني يابسة ومتفلوزة الظاهر جتني عدوى من المستشفى أمس ماغير اخذ بنادول🚶🏻♀️
الله يعين
يمكن مغص عطيها شوي مردقوش مع الماي زين للغازات
وفيتامين د ٤ نقط
شغلي قران احيانا يهجد الاطفال على صوت القرآن
بنتي الله يصلحها ويحفظها يوم تنام عشر الصبح وبعد جهاد نومها مقطع ودي اخيطه وزوجي عنده دوام ظهر ولازم اصحى وعيوني يابسة ومتفلوزة الظاهر جتني عدوى من المستشفى أمس ماغير اخذ بنادول🚶🏻♀️
غيمة نجد
•
زائرة :
اميين يارب الله يعين يمكن مغص عطيها شوي مردقوش مع الماي زين للغازات وفيتامين د ٤ نقط شغلي قران احيانا يهجد الاطفال على صوت القرآن بنتي الله يصلحها ويحفظها يوم تنام عشر الصبح وبعد جهاد نومها مقطع ودي اخيطه وزوجي عنده دوام ظهر ولازم اصحى وعيوني يابسة ومتفلوزة الظاهر جتني عدوى من المستشفى أمس ماغير اخذ بنادول🚶🏻♀️اميين يارب الله يعين يمكن مغص عطيها شوي مردقوش مع الماي زين للغازات وفيتامين د ٤ نقط شغلي قران...
والله مدري هي تتمغص لكن صايرة عنيدة ماترضى تشرب ينسون وكذا ومعد بي طاقة أحايلها
الا الفرآن مفروض أشغل مرات أنسى الله يجزاك خير على التذكير
الا الفرآن مفروض أشغل مرات أنسى الله يجزاك خير على التذكير
الصفحة الأخيرة
نومها متقطع وتفزز مدري هو مغص والا تحلم ولازم انا الي ارجع انومها
الله يعظم الأجر والله اني اقنت بدعائي كله لها يتعدل نومها ومزاجها
الله يسخرهم لنا ولايسلطهم
حبيت اواسيك انا مثلك مالنا غير الدعاء