نوف ££ @nof_psps

عضوة نشيطة

نوم بنتي وهروب زوجي من الغرفه

بنات مشكلتي بنتي ماتنام بالليل واذا نامت نومها متقطع عمرها سنه وسبع شهور حاولت معها بكل الطرق اشبعها والبسها بجامه ماخليها تنام بنص النهار اطلعها تلعب عشان ترجع تعبانه وتنام نومه عمييقه وكل هذا بدون فااااايييده وحتى اذا تعدل نومها يوم يومين ونرجع لسابق عهدنا زوجي طلع من الغرفه وانا ماودي بصراحه حاولت قد ماقدر اسوي لها روتين تنام فيه عالاقل الساعه ١ او ٢ وننام زي الخلق والعالم وزوجي يكون معنا بنفس الغرفه بس بدون فايده معقوله كل الامهات كذا ؟؟ مشردين كل واحد بغرفه ومانام الا وانا مهدود حيلي توقعت اذا دخلت السنه بينتظم نومها صار الاسواء

يلزم عليك تسجيل الدخول أولًا لكتابة تعليق.

تسجيل دخول

LuluAZ • 4 سنوات

سنه وسبع شهور كبيرة مفروض نومها تعدل من هنا إلى ثلاث شهور طلعيها من الغرفه خليها تستقل وبتشوفين كيف نومها ينتظم وتكون مستقله ، نصيحه طلعيها بالغرفه اللي جنبك قريب بيدخل الشتاء وماراح يكون فيه مكيف بتسمعين صوتها على طول بترتاح وانتي بترتاحين لراحتها

كلامي لراحة بنتك مو زوجك

أسرار الحكمي • 4 سنوات

مو كل الأطفال زي بعض
انا مثلا اول خلفتي توأم ياعمري ماينسمع لهم حس وماتعبوني خالص وهم صغار بس كبروا واستخفوا 😂
المهم اللحين جبت نونو ثاني اللحين عمره 10 شهور بس من يومه وهو مطلع عيني اخذ حقه وحق إخوانه عسر مره وماينام الا الصبح وطول الليل يون ويبكي بدون اسباب بس كذا فضاوه ومازلت اعاني واحاول معه يتعدل نومه الله يأجرني وإياكم يارب 🤲

إسبريسو • 4 سنوات

انا بالنسبه لي طبيعي الوضع😫😂💔وهذا حال نص الامهات ان لم يكن اغلبهم

عزالريم • 4 سنوات

جربي عوديها تسمع مقطع من اليوتيوب اسمه (تنويم الاطفال بالرقيه الشرعيه لهزاع البلوشي )انا جربتها وتعود عليها ..لكن الان اعاني من مشكله انه ينام بالازعاج لدرجه اخوانه يتهاوشون فوق راسه وغاط بالنوم لكن اشيله واحطه بمكان هادي ولافيه نور يقوم باول مانزله بهالمكان ..

Zohr • 4 سنوات

انا ما اخلي زوجي يطلع كذا يتعود اذا ما تحملها مين يتحملها انا بعد نفسه ابي انام وارتاح بس ما تخليني مثله هذا الشي مو بيدنا حتى لو انه يداوم اذا كنتي تعطينها غفوات بالنهار حتى لو ساعه يصير عندها طاقه من بعد العصر خلاص لا تنام وخليها تلعب اشغليها لين وقت النوم هذا اللي اسويه مع بنتي وبعمر بنتك هي الغفوات تخليها تصحصح لوقت اطول