نوم وحشو ومسلسلات وياقلبي لاتحزن

بسم الله الرحمن الرحيم
زي ماهو محدد باعلى الموقع باقي على الشهر الكريم 16 يوم الله يبلغنا جميعا
وركزوا على كلمة شهر بس شهررررررر
اذا كان الواحده ماتصحى الا قبل العصر وتنشغل في المطبخ تسوي فطور الين بعد التراويح
ثم تنشغل في السحور الين الفجر عز الله راح عليها الشهر وهي ماغير في المطبخ
انا اعرف ان الرجال في رمضان يتوحشوا اذا ماسويتي 10 اصناف في اليوم لكن احنا الي عودناهم
وياليت على العصبيه حقتهم ياكلوا بس كذا يتدلعوا ويتشرطوا
اهم شي يابنات انكم توفقوا بين استغلال الشهر الكريم بالعباده وبين الطبخ مش كل الوقت للبطن
اللهم اني اعوذ بك من بطن لايشبع
والتلفزيون انتبهوا يلهيكم بالمسلسلات والله اني اموت قهر ليش كل القنوات بتنفقع من جنبها من كثر مالمت مسلسلات جديده بس في شهر رمضان وباقي السنه اعاده لها
انتبهوا يمكن رمضان هذا يكون اخر رمضان لك فلا تضيعوه
اللهم بلغنا رمضان واعنا على صيامه وقيامه وتقبله منا