نويت اسوي عمليه وافتك .. شرايكم ؟

طيب انتي من وييييين ؟؟ عشان ننصحك بدكتور شاطر
كتلت جسمك عااااليه
ويبي لك تنزلين ٥٠ كيلو
لاتخافين ماراح انصحك لا برجيم ولابدايت لاني كنت مثلك
الحزام ماينفع لحالتك
فكري با التحوير او القص الطولي للمعده (السليف)
والعمليه ماهيب صعبه مررره اهم شي تختارين دكتور متمكن ومعروووف
ومستشفى متخصص

والله انا زيك ودي بالعمليه بس زوجي رافض رفض نهائي
اانا اعرف كثير سوو الربط وهي اخف العمليات وماشاءالله ماشيه معاهم زي الحلاوه نحفو نحف مررررررره رائع
عموما ابحثي عن اسماء الدكاتره من تجارب البنات احسن وشوفي عندك فوق في القسم موضوع رابطه لاصحاب العمليات اسالي هناك افضل لك لان كلهم بنات مسوين عمليات ..

غنوجه .. ربي يخليك ويبقيك يااارب

انا من الشرقيه بس انا وزوجي نشتغل في الرياض

يعني بالشرقيه والا بالرياض والا بأخر العالم مو مشكله اهم شي دكتور شااطر

الله يوفقك حبيبتي ما قصرتي ..

مليت من الانتظار .. وانا خويتس ترى ما بفيدك رجلتس يوم انه يطق عليك وحدتن ثانيه

اقنعيه ليل نهار لين يرضى .. انا زوجي والله اني موب طاقه له خبر رضى والا كيفه

قلت له يا ترضى اسويها والا لا تعايرني بالرشيقين ولا تعيرني بوزني شنو تختار ؟ سكت والسكوت علامه الرضا

الله يعينك اختي والله يحقق لك مبتغاك يارب
والله وزني 73ك وطاقه روحي وتعبانه نفسيتي منه
كيف انتي ياعمري الله يهون عليك يارب قلبي معك

انا انصحك بعمليه تحوير المعده تعتبر هيا الافضل اما الربط فنصيحه لاتسويه لأنه قريبتي سوته وبعد كم سنه مره تعبت وصارت ماتقدر تاكل شي الا ترجعه وعملها الدكتور عمليه لفتح الربط وكانت مره خطره العمليه والحمد لله ربنا نجاها