نيرس بنتي

انا بكريه ومالي احد امي متوفيه وانا اكبر خواتي اول اول بيبي لي بعد سنتين زواج ولادتي قيصريه شدة خوفي على بنتي اخاف من نفسي عليها ما اعرف للجهال ابد ولا اعرف كيف اسبحها ولا اغير لها ولا للحليب غشيمه مره وقلت حق زوجي قال لي اجيب لج نيرس تعلمج وتساعدج طلب لي نيرس عشان تساعدني وتعلمني وشفتها اول ما جت كيف تشيل بنتي وتعتني فيها وبنتي تقعد بالليل تبكي تبي حليب ولا توصخ بالحفاض زوجي قال لي خليها مع انيرس تنام جنبها تغير لها وتهتم فيها بس شهر وانا قلبي يعورني مخليتها معاها بنتي حديثة ولاده ومع النيرس بغرفه وحده وانا انام بغرفتنا مع زوجي كل مره الصبح اقعد واروح اشوف بنتي القى السجاده مبلله اقول لها شنو هذا تقول ماي ومبين ترجيع وخايفه انا حطيت كاميرا واكتشفت انها تحط اصبعها بالرضاعه تقيس حرارة الحليب باصبعها وقدامي تسوي نفسها تصب ع ايدها وتقيسه اول ماشفت الفيديو طردتها بعدها قعدت عندي ٢٨ يوم وطردتها والحين صابتني وساوس كثيره بشأن بنتي خايفه لايكون معطيتها شي ولا كانت تسوي شي فيها من وراي وانا ما ادري خايفه ع بنتي واحس انا المذنبه والغلط مني وليش جبت نيرس وليتني انا الي اهتميت فيها ولا دخلتها بيتي كل ما اشوف بنتي ابكي واقول يمكن اذتها ولا شي خايفه الحين بنتي كله معاي وانا صرت شوي شوي اعرف كيف اعتني فيها بس تحسفت اني جبت النيرس