s0osa :

مرحبا .. ايش الحركات الحلوه هذي ماشاء الله عليك نشاط في نشاط .. عجبني نظامك كثير .. للاسف لي فتره مهمله نفسي كثييير واكيد لسبب ..وكل ماجيت اتحمس يروح الحماس .. المهم: عجبني نشاطك بالخلطات ..بس انا ماشيه على نظام لبشرتي هالمره غير .. اغسل وجهي بصابونه او غسول وبعدها امسح بأسكينول مخلوط معه ماي ورد وبعدها امسج بأسكينول معه ماي ورد ونشا وفيتامين سي .. وبعدها احط كريم للعيون ..وكريم لوريال للوجه الي ثنين مع بعض يعطي صفاء ونضاره للوجه بس لسا توني استخدمه يعني ماخذيت عليه شهر ..وانا كنت قاصده اغير نظامي ككل غير عن الي قبل .. اما الجسم .هذا عاد الابداع ..الي من جد مهملته بس ان شاء الله اتشجع ..وانا ماخذه خلطتك للحمام المغربي مره عاجبتني وان شاء الله اطبقها .. ايه بقولك .. انا عندي السونا بس الخيمه رميتها وعندي حمام في البيت مرررا صغير تتوقعين لو اشغل الجهاز يغنيني عن الخيمه (الحمام صغير ومكتووم مره ) اما الاكل ..اسوي خلطة حلم من دون تفسير عشان ارجع كم كيلو نحفتهم ووالله اشوف الخلطه جابت مفعلوها ومو مصدقه صراحه وبستمر .. صايره اشرب حلبه مع نعناع مع زنجبيل مرات فلفل اسود وقرفه ..كل يوم كوب وملاحظه الحمدالله ريحة الحلبه فيني خفيفه تشوفيني امشي في البيت واسئل فيني حلبه وكل يشمشمني صرنا فرجه الصراحه اما شعري : فأنا من زمان استخدم الصبار والحين صرت احط معه املج ودايم احط في شعري كريم .. طبعا الحنا قطعتها لانها ضاره جدا بالشتا ..يابنات لاتحنون روسكم بالشتا انتبهو وغير كذا يمكن اصبغ شعري بالصيف عشان كذا وقفتها واخذ حبوب حديد(انيميا) + كبد القد + فيتامينات للشعر والبشره الكبيره الي عليها صورة بنت (كنت استخدم هير دال بس قالي خلاص انقطعت وعطاني النوع الثاني كبديل وقالي انها افضل منها ) ووو هذا الي اذكره الحين .. اما النشاطات الثانيه انتي مثلي بالضبط : ادخل المنتدى وارد ع البنات واحتسب الاجر في مساعدتهم ..لان البنات هنا ماقصرو ا عندي نوت كاتبه فيها اذكار وادعيه واخذها معي كل محل وقرا فيها وكل ماذكرت دعاء او ذكر كتبته فيها .. عندي مصحف صغير قد الكف هذا معاي وين ماروح ودايم اقرا فيه ..وكل يوم الحمدالله اقرا جزء ماياخ 10 دقايق ! اذا فاضيه ارسلت ايميلات للبنات عن فضل ذكر معين او عمل فيه اجر او دعاء لي ولهم طبعا غير الايميلات الي فيها اشياء حلوه وفرفوشه اذا احط كريم او جالسه مشغوله بشي ..استغفر واسبح واهلل ..لين ماتعود لساني الحمدالله طبعا يابنات لاتنسون صيام الخميس والاثنين والايام البيض (لاتنسون ان دعاء الصايم مستجاب لين يفطر ) عندي ادعيه طويله وحلوه بس صعب احفظها ...كل يوم بعد صلاة الفجر افتح الايميل واقراهم (انا اساسا مجمعتهم مع بعض وافتحهم كلهم واقراهم ) لاتنسون يابنات الصدقه لو بريال كل يوم ..ولو طلعتي السوق بتحصلين فكه بمحفظتك حطيها بجيب مخصص للصدقه في محفظتك واذا تكون مبلغ تصدقي فيه) اذا جا يوم الجمعه دوري عالبيت وشوفي مين يبي يتصدق معك .. وهذا لكاشا : عندي اختي الحبوب في وجهها بالهبل ليه مدري ..تنام مافيها شي تصحا حبوب كثييره .اذا عندك طريقه او كريم لان الحين شتا مو وقت خلطات ابد ياليت تقولون لي ..كل مالها وتزيد حبوبها !

مرحبا .. ايش الحركات الحلوه هذي ماشاء الله عليك نشاط في نشاط .. عجبني نظامك كثير .. للاسف لي...