موضوعى النهارده عن غرفه الاطفال
وبعتذر عن التاخير كان المفروض انزله من سنه واتاخرت
لظروف اعذرونى انا مكنتش هنزله اصلا بس بنات كتير بعتولى
وانا محبتش ازعلهم وهنزله علشانهم
نبدا بسم الله
اوضه البنات اول ماتجوزت كانت جنبين فوشيا
واتنين اصفر وعليها استيكرات بطوط وميكى
وبعدين حبيت اغير دهنتها ازرق فاتح وتحت غامق زى بحر ورسمت نخله وشط
وسمك جوا البحر وجبت سجاده عليها سمك
بس للاسف كل الصور دى اتمسحت
اخر تغيير عملتها اورانج في ازرق زى ماقولتلكم انا بحب الالوان اوى
علشان كدا بحب استخدم الوان زاهيه
عملتها كدا دى صوره نهائيه
بسم الله لاقوه الا بالله
:26:
هنا اول ما بدات اشتغل اديتها وش بطانه ابيض
استخدمت بلاستيك بطانه
بس لو عندك اى حفر او شروخ بتستخدمى معجون وتلقطى بسكينه المعجون
ولما ينشف تماما تصنفريه كويس وبعدين تدهنى البطانه
وش او اتنين حسب مايستر معاكى انا عملت اتنين لان اللون القديم كان غامق
وكنت عايزه استخدم اورانج فلازم اغطيه بالابيض كويس
ولما نشف استخدمت بلاستيك والوان
جبت لون اصفر واحمر وخلطتهم لغايه لما ادانى الدرجه اللى عايزاها
بس طبعا استخدمت كذا ازازه علشان احصل على لون غامق
هنا في بدايه اللون الاورانج
ولما انتهيت منه جبت طباشير او قلم ورسمت زى موجه
وجبت لون ازرق غامق خلطته مع الابيض لغايه الدرجه اللى المناسبه
ولزقت سلوتيب الخاص بالدهانات فوق الخطوط اللى رسمتها
وابتديت الون بالازرق النص اللى تحت
وده جانب تانى
انا خليت الموجه عشوائيه مش منتظمه
:26:
دلوقت جه وقت الورود اللى هرسمها
كنت محتاجه اسطمبات زهور ونجوم باحجام مختلفه
وطبعا مش متوفر الرسمه اللى محتاجاه
جبت دوسيه ورسمت الرسومات وفرغتها بقطر
:26:
ولزقت الرسومات المفرغه طبعا عملت كام واحده
واكتر من مقاس
ابتديت الزق الرسومات عشوائي واستخدم نفس الدهان اللى دهنت بيه الاورانج
والازرق وحددتها كلها بفرشاه رفيعه باللون الابيض
بالطريقه دى
اعذرونى الصوره مقلوبه
تاااااااااااااابعونى:26:
كنت راسماها للموجه
بالشكل ده
طبعا الشغل ده خد وقت كتير اوى اسبوع تقريبا
:26:
وابتديت افرش الاوضه
:26:
وعملت شويه تجديدات
جبت سرير جديد ومرتبه سوست
وجبت ملايات جديده جبت قماش وعملته لنفسي زى طقم
ملايه واكياسها وستاره
عملت طقمين واحد ازرق وواحد اورانج
ودى السجاده السمك
واحتجت مكان للكمبيوتر الاوضه صغيره جدا ومينفعش احط فيها مكتب اودولاب
هتبقي ضيقه وانا حابه يبقي فيها مساحه
عملت الرفوف دى
تابعونى