هاااام و ضروووري بخصوص السفر للولادة في الخارج

عـــــــسل و قشطة :

حبيبتي عادي لا تشيلين هم انا مثلك سافرت الى امريكا في الثامن اخذت ورقة من خطوط الطيران، و كان وقتها طيران الاتحاد، الورقة عبارة عن فورم لازم دكتورتك تعبيه، عن حالتك انك ما تحتاجيين مغذي او جهاز تنفس و من هالخرابيط، و لازم تكتب فيه انتي باي اسبوع من الحمل، عاد انتي اذا اخذتي هذا الفورم من الخطوط فيه تفصيل ممل و ارشادات وش مطلوب تكتبين، و على فكرة انا عبيت الفورم و لا احد طلبه مني و لا احد شافة او حتى قراه، انتي حطيه معك بالشنطة و لا تورينه احد الا اذا طلبوه عشان ما تفتحين على نفسك باب، لانه يمكن تمشي عليهم مثلي و جهاز التفتيش حق المطار عادي ما فيه مشكلة، لانه هو مو اشعة أكس، لان اشعة اكس هي الخطيرة اما جهاز المطارات عادي حاولي تلبسين واسع او عباية عشان ما يبين انك حامل، مع انه لو بان فهو عادي الا انه الخطوط لها الحق بان تمنعك من الركوب الا اذا معك الفورم حق الدكتورة يبين ان حالتك مستقرة فما فيه مشكلة بالنسبة لسؤالك الرابع، عادي مو مشكلة اذا عرفوا انك حامل! اهم شئ ان عندك فيزا امريكية مو مشكله انتي حامل او لا، انا بطني ما كان كبير يعني مو مرة باين لاني كنت بكرية بس احس ان الشرطي الي بامريكا عرف اني حامل و ناظر بطني بس ما سأل و لا قال شئ اهم شئ بالطيارة انك تتحركين، و اذا بتسافرين بالدرجة السياحية فالله يعييييييييييينك و الله ما انصحك، حاولي تاخذين اولى او بزنس على الاقل تتمددين عشان رجولك ما تنتفخ، انا الدكتورة عطتني اسبرين قبل الرحلة ابسبوع عشان يسيل الدم الي بجسمي و لا يأثر ضغط الطيارة عالعموم الله يسهل امرك و اي سؤال لا تترددين

حبيبتي عادي لا تشيلين هم انا مثلك سافرت الى امريكا في الثامن اخذت ورقة من خطوط الطيران، و كان...