السلام عليكم اخواتي كلوووووووووش
الحمدالله ولدت وجبت احلي زيوووودي بالدنيا عندي ما شاء الله تبارك الله :04: بتاريخ27\12 هجري
انا كان مقرر لي ان الولادة تكون ب1\1 هجري بالبداية ما اعرف كيف اكتب قصتي :hahaha:
بيوم 27 يوم الثلاثاء حسيت بمغص كالعادة وعلي بالي غازات بس هالمرة مستمر معاي وانزل لاموية ولادم
قالت لي اختي معلومة انه اذا جاني مغص اروح اتسبح بموية دافية قد ما اقدر واوقف تحتها اذا زاد المغص معناته ولادة واذا خف او راح منك اعرفيه طلق كاااااذب فرحت وتسبحت واحس المغص باقي مستمر معاي بس ماجي علي بالي ولادة
ولما جي زوجي الساعة 12 حسيت ان المغص خف وقلت بنام وشربت شوي قرفة بس زوجي رفض وقال لا خلينا نروح نتطمن مو خسرانين شي ورفضت وبس غصبني ورحنا وانا واثقة من نفسي اني برجع وماراح تكون ولادة
طبعا انا ولدت مستشفي سليمان الحبيب بالريان ودخلنا طوارئ وحطت التخطيط تقول مافي ولادة وكشفت علي من تحت قالت ما شاءالله فاتح ثلاث سانتي وجهي وقتها صار كذا:o وقمت ارجف
طلعت الدكتورة وقالت لزوجي ودخل علي وقال وشفيك ترجفين قلت بردانة قال لا والله شكلك من الخوف:06:
وطلعوني لغرفة الولادة وحطو التخطيط وقعدت سهرانة ماجاني نوم لين جت الساعة 9الصبح وجت كشفت علي لقت 4سانتي وقالت اذا مازاد الساعة12بتجي تفك موية الراس و12نص نعطيك طلق صناعي
ويمر الوقت وبدت المغوص معاي واعطتني ابرة مسكن والسستر معاي لين جت الساعة6ونص المغرب وجتني خالتي ام زوجي وحماتي وزوجي وقالوا لا لازم شخص واحد فجت خالتي عند راسي تقري علي والله اني ارتحت هي واقفة يميني والسستر يساري وكلما تجيني مغصة امسك يدينهم وارصها بقوة شكلي كسرت يدينهم واالله ماقصرت خالتي ولما حان الوقت الساعة7بالضبط جت الدكتورة خالدة العتيبي وولدتي وبديت بوش بوووش ههههه بشيت لين ماتعبت و طلع زبودي حبيبي وحطته علي بطني وبعدها خيطتني بس والله اني ارتحت لما شفته قدامي ونسيت كل الالم
ووووووووووووووووووووبس
ويارب يرزقني بعده ببنوتة
سدووومة التركي @sdooom_altrky
محررة برونزية
يلزم عليك تسجيل الدخول أولًا لكتابة تعليق.
الف الحمد لله على سلامتج انتي والبيبي
والله يقومنا بالسلامة ان شاء الله واشوف بنتي حبيبتي
والله يقومنا بالسلامة ان شاء الله واشوف بنتي حبيبتي
سلفريج
•
ما شاءالله اااااااالف ااااالف مبروك
يتربى بعزكم الله يرزقكم بره وصلاحه يارب
والحمد لله على السلااااااامه
يتربى بعزكم الله يرزقكم بره وصلاحه يارب
والحمد لله على السلااااااامه
الصفحة الأخيرة
وعقبااااااالي يارب