هااام....لجميع البنات الغير متزوجات وبالذات المتأخرات بالزواج

بصراحة يابنات مدري وشلون ابدا كلامي بس انا الاحظ شي ان فية بنات كثير يفكرون بالزواج
ولسة ماجاء نصيبهم رغم انهم ماشاء الله ماعليهم من ناحية الاخلاق والعايلة وما الى ذلك وينقهرون لما يشوفون بنات اقل منهم تزوجوا وسعيدات ويحسون انها ناقصات لانهم لسة ماتزوجوا وفية بعضهم تلجا للعلاقة مع اي شاب تلقاة بالبداية انه محترم وتورط نفسها معاةعلى امل انها بتتزوج منة وتلقاة يبي علاقة حب بس مايبي اي ارتباط لانها هالكلمة في قاموس المستحيل بالنسبة للشباب طبعا اي بنت بهاالدنيا تتمنى تلقى الانسان الي يحبهاوالي يخاف عليها ويعاملها احسن معاملة وتعيش معاه بسعادة
وتتخلص من قيود اهلهاوتعيش باستقلاليةوتلقى شخص تتكلم معاة وتاخذ راحتها معاه لانابحكم مجتمعنا البنت ماتقدر تسولف مع اهلها باي سالفة ولاتحس بكيانها لانا اكيد بيحكمها وليها
وبصراحة انا انقهر لمااشوف بنات بعمر25سنةوشايلين هموم الدنيامن ناحية الزواج وان نصيبها ماجاءوالا لما يجون احد من اقاربهم ويسالها مانخطبتي والا احد يسال امها بنتك مااحد خطبها وتبدا البنت تتحسس من هالكلمة وتزعل وتحس ان اكيد فيها نقص وانها ماراح تتزوج
ليـــــــــــش كذا؟؟؟
مافكرتو للحظةيابنات ان الله الرازق وهو الي يقسم النصيب ياما فيةبنات متزوجات وتعيسات ويتمنون انهم ماتزوجوا والله يابنات ان اعرف وحدة تقربلي تزوجت وعمرها بالثلاثين تهقون بهاالسن بتلقى الوحدةرجال ماتزوج وغني وراعي صلاة واهلة عسل وعنده مركزوكل سنة سفر لبرةتخيلو كانت امها معطية واحد يقربلهم توكيل بانة يزوجها اذا جاء لة اي واحد حتى لوعندة عيال شوفو الله رزقها وتخيلو الحين عندها3عيال كلهم اولاد عقب الناس ماكانوا يعيبون فيها وانها ماتزوجت يحسودنها لانها تزوجت هالرجال وجايبة منة اولاد بيورثونة يعني
وفية وحدة اعرفها من بعيد قريب حضرت زواجهاعمرها27سنة وبصراحة هي موجميلة ابد اقل من العاديةوسمراء وكل شي احنا نعرف امها مرة تخيلو ان امها كانت تقول ان ابوها كان بيزوجها واحد متزوج ويسوق بعد تكسي لانة مقهور ان بنات عيالة تزوجوا وهي ماتزوجت وتخيلو كانت تدرس انتساب البنت بالكلية وكانت مكروفة ببيت اهلها ليل نهار كانها خدامةوسبحان الله يرزقها ربي واحد اكبر منها بسنة واهلة منهبلين عليها تخيلو بالملكة قامت امة رقصت وخواتة ومتقطعين عليها حتى الولدمومصدق انهم وافقو علية....
وعندي بعد اخت صديقتي تخيلو تنخطب بعدين يجي الولد ويفكك الخطبة تخيلو 3مرات تنخطب وتفك جتلها حالة نفسية رغم انها جميلة وشعرها طويلة وبيضاء ونحيفة وفيها كل المواصفات الي يطلبها اي شاب والحين تزوجت واحدماشاء الله مركز وموناقصة شي ومبسوطة معاة
حبيت اعطيكم نموذج يابنات للي اعرفهم عشان بس تعرفون شي واحد ان الله هو الرازق وان الوحدة اذا ماجاء نصيبها مومعناها ان فيها شي بالعكس لازم يكون عندها ثقة تامة بنفسها والا البعض تنخطب كم مرة ولمايشوفونها يرفضونها وتقعد تهوجس بان اكيد هي موب حلوة والا فيها عيب .....لازم اي وحدة تعرف ان اي امرتتمناة ومايصير يمكن انه خيرة من الله سبحانة وان الله هو الي يوزع الارزاق ويعطي الانسان على قد نيتة وان اي وحدة مالها الاالدعاء ان الله يرزقها بالصالح الي يسعدها
ومن صبر ظفر زي مايقولون والصبر مفتاح الفرج ياما بنات صبرو ونالوا وصدقوني يابنات ان اي امر بهاالدنيا لو فية خير لكم باذن الله بتلقونة ولو فية شر وتعاسة لكم ربي بيبعدةعنكم بس مالكم الا الدعاء ولايكون همكم بس الدنيا وتنسون الاخرة ولايكون هالشي اكبر همومكم ترى الدنيا فانية
اتمنى اني مااثقلت عليكم بموضوعي لاني فعلا هالمشكلة الاحظها عند اكثر البنات وهو شغلهم الشاغل بالحياة
واتمنى تشاركوني بعد بارائكم الحلوة معي واي وحدة تدخل وتقرا الموضوع الله يسعدها تشاركنا على الاقل نستفيد بطرح المواضيع الي تفيدنا وناخذ اراء بعض............:21: