هااايو قايز تعالو نفيد ونستفيد

السلام عليكم ورحمه الله وبركاته
كيفكم يا حلوين وصباحكم قشطه بالفرواله
انا قبل شوي بديت في خلطه قريت عنها انها تفتح الجسم وتنعمه وتشيل السلوليت"الخطوط البيضاء"
الصراحه دا اول يوم انا حكتب مكونات الخلطه واللي قد جربتها تقولنا ايش صار معاها واللي تبغا تبدا معايا من اليوم حلو نتشجع اكتر
الخلطه هي
علبه جلسوليد كبيره
كوب ليمون الاصفر الكبير <<لانو الليمون الصغير يقولو انو هو الي يسمر الجسم اما الاصفر هو الي المفروض ينحط عالجسم
فكس
ملعقتين بن قهووة
نخلطها مع بعض وتوضع على الجسم نص ساعه:time: اوعلى حسب الرغبه بس اهم شي تنحط في الليل لانو ماينفع نخرج بيها في الشمس تعطي نتيجه عكسيه
المهم وبعدين نكون مجهزين في التواليت ملح خشن مع ليمون وزيت اللوز المر نخلطه سوى ونبلل الجسم بالماء ونفرك بشكل دائري وبعدين عادي نغسل الجسم بالصابونه الخاصه انا عن نفسي في صابونه بزيت الزيتون من نكتار مره جنان فتحت جسمي درجه وحده وتنعم الجسم وكبيره الصابونه تجلس معاكي يمكن خمسه اشهر
وبس يا حلوين
على فكره ممكن تستغنو عن الفكس لانو مو من ضمن الخلطه اللي قريتها بس انا اضفته لانو حلو يفتح الجسم مررررررره
للامانه قريت انو الفكس يسوي بهاق:mad: بس مادخلت مزاجي وانا قلت بستخدم الخلطه اسبوعين واريح اسبوعين احسن يعني وعلى فكرة حبيت انبه الخلطه دي احس انو ماينفع تنحط على المنطقه الحساسه لانها حاره :35: لاتقولو ماقلتلكم انا مالي شغل
اوك سلملم ولا تنسو تعطوني ارائكم في الخلطه واللي عندها خلطات حلوة تقولنا بليز :44:انا بجرب الخلطه وكل يوم راح اقولكم ايش بيصير معايا ادعووولي انو الخلطه تعطي نتيجه معايا مرضيه:27: