هاام الي تدرس او سبق ودرست تدخل ----

أنا كنت اذاكر الدروس أول بأول
يعني اذا أخذنا اليوم تاريخ اروح البيت مباشرة واذاكره حتى لو ماكان علينا اليوم الثاني عشان يثبت الحفظ000
وطريقتي في الحفظ تكون بأني أتحدث مع نفسي أحاول اشرح الدرس لنفسي من جديد عشان أفهمه وبعد ماأفهمه أحفظه000
ولو كان مثلا عندنا شي للحفظ مكون من نقاط يعني
1_ل00000000
2_00000000
3_000000
أحاول افهمه بعدين احفظه واحفظ الحرف الأول من كل سطر واجمعه في كلمة عشان اتذكر في التسميع او الامتحان000
بالنسبة للانجلش كنت احاول ابسط الجرامر لنفسي عن طريق وضع لحن لكل قاعدة وارددها بيني وبين نفسي كأنشودة تساعدني على التذكر
اهم شي تفهمين بعدين تحفظين
اما الحفظ على العمياني عمره مايفيد

اما تخصصي انجلش والانجلش يختلف عن العربي شوي بالمذاكره..

انا اذاكر اول باول في بعض المواد

بس بعض المواد لا

طريقتي انا اول شي اقرا الكتاب مجرد قرايه واطلاع


بعد يومين ارجع واركز يعني قرايه بتركيز

بعد يومين ثانيات اجي واذاكر صح واحاول احفظ كان علينا بكره اختبار

بعد يوم يومين او اسبوع ارجع اراجع واذاكر مره ثانيه صح والقى نفسي ناسيه النصف !! بس ارجع احفظ عشان يثبت الحفظ بهالشكل..

وطريقه الحفظ اقرا السطر من الكتاب اقراه مره ثانيه وثالثه بعدين اغمض عيوني واكرره بيني وبين نفسي اذا لقيت اوكي حفظته انتقل للنقطه الثانيه واحفظها بنفس الطريقه بعدين اقول النقطه الاولى والثانيه وامشي على الثالثه.. واذا غمضت وجيت اسمع ابدا من اول النقاط.. اذا كانت النقاط كثيره اراجع ثلاث نقاط بس واذا رحت للرابعه خلاص تركت الاولى فاصير اراجع الثانيه الثالثه الرابعه وهكذا... وبالتكررار يفهم الشطار..

طريقه ثانيه اني بعد كل فصل اسوي شي اسمه اوت لاين يعني موجز للفصل او مخطط
احط العناوين الرئيسيه وتحتها الفروع ومع الامثله باختصار .. واخليها باول كل فصل.. عشان لما اجي اراجع بس اناضر هالموجز واتذكر كل النقاط اللي تحتها وبهالشكل يخلي كل شي واضح عندي..

الطريقه الثالثه ان بعد كل محاضره ارجع واكتبها وانسقها بدفتر وانا اكتب يرسخ المعلومات بعقلي بدون مذاكره
وبس ويوم الامتحان القى ان المعلومات سهله وتصير اراجعها مراجعه فقط.. واحيانا والله ادخل الاختبار كذا واحصل الدرجه الكامله..

وكمان لو فيه شي صعب علي احاول اربطه بصور واسماء وشخصيات اعرفهم مثلا لو تاريخ معين ولاده شكبير 1546
اقول واحد انا خمسه عائله اختي عددهم خمسه اربع عائله عمتي عددهم اربعه وسته مثلا اختي الثانيه
واتخيلهم جنب بعض كلهم بالترتيب.. وخلاص احفظ التاررررررررريخ

ونفس الشي بأي نقطه ماعرفتها

لو مثلا احفظ قصيده ومااعرف ترتيب الابيات
اجيب اول حرف من كل بيت واخليه كلمه وحده.. واحفظها بهالشكل اعرف الترتيب واسمعه بالاختبار. طبعا كتابي...

امممممم هاذي بعض التكنيك اللي استخدمها ان شاء الله افدتك

يسلمووووو خيتووووو رمااح ردينه وخيتووووو رشة عطر على طرح طررق مذاكرتكن بوركتن غالياتي واي بنت عنده مشكله بالدراسه تقووله ونحاول نسااعده يالله بناااااااات تفااعلن

بناااااااااااات من عنده حل لي انا ماافهم الرياضيااااااات نهائي لان معلمتنا ماتفهمنا وحتى المعلمه تقرا الريااضياات قراايه بدون فهم واذا قلنا له مافهمنا تقوول لانكن ماانتبهتن لدرس وحنا والله منتبهاااااااااااات واختبار الرياضياات السبت الجااي وكل البنااااااات مو فااهماات

انا كنت اكتب الجملة واكررها بالكتابة اللين احفظها
اشتري قلم ناشف احمر ودفتر واجلس اكتب واحفظ
صحيح متعبة بس تجيب نتيجة