طبعا الايام هادي ما في احد صار يقدر يستغنى عن النت وصار ضرورة من ضروريات الحياة فاقترحوا علينا بعض الناس الاشتراك عن طريق استخدام الكونكت مع جهاز الراوتر
وتشغيله بشريحة اما مفوترة او شحن وطبعا هادي الشرائح لها عدة باقات
منها سرعة محدودة 1 جيجا ومنها سرعة مفتوحة باشتراك شهري
احترنا نشتريها من فين من الاتصالات او من موبايلي لكن كتير قالوا انه موبايلي افضل وأسرع واشتراكها اقل وانه شرائح 3g مغطية جدا تغطية كاملة بجميع أحيائها
واشترينا شريحة موبايلي 3g سرعة مفتوحة واستخدمناها الشهر الآول بدون اي مشاكل وانتهى اشتراك الشهر الأول وجددنا الاشتراك
لسه بس يومين اشتغلنا بالشريحة ونلاقي النت ينفصل يوم الخميس الماضي وبعد عدة اتصالات مع موظفي موبايلي رجع لساعات قليلة ورجع انفصل تاني وصار ما يشتغل 3g
ويشتغل على 2g ولنا 4 ايام على هدا الوضع واجرينا عدة اتصالات مع موبايلي وشرحنا لهم الوضع بانه احنا ساكنين في جدة بحي الفيصلية 2 وشريحة3gما بتشتغل
بس 2g هي اللي شغالة ومو معقولة ندفع اشتراك 350 ريال سرعة مفتوحة لشريحة 3g عالي السرعة ونشتغل على 2g بطيئة السرعة ويقولوالنا 3g مغطية جميع الأحياء في جدة
بالله عليكم هادي تغطية كاملة و4 ايام بنشتغل بسرعة بطيئة 2g واحنا دافعين سرعة عالية3g
اول شي ابغى اعرف في احد زي حالتنا موبايلي وبعاني من نفس المشكلة ؟
وتاني شي ياموبايلي ويا مسؤولي موبايلي هادا الوضع يرضي مين ؟ فين التغطية العالية ؟
ما يعرفوا انهم كده بيسيئوا لسمعتهم ويخلوا الناس تسيبهم وتروح للاتصالات
ياريت ما تطنشوني وتردوا علينا خصوصا اذا في وحدة فيكم تعرف احد في موبايلي
معليش طووووولت عليكم
H.H.K @hhk
عضوة
يلزم عليك تسجيل الدخول أولًا لكتابة تعليق.
الصفحة الأخيرة
شكرا ياعالم حواء
وبعدين انا باتكلم على النت تحطي موضوعي مي ركن الجوال ليييش