ههههههههههههههههههههههههههههه

الله يسعدكم يابناااااااااااااااااات

والله مصيبه خاصه النار

مره قبل سنتين امي الله يصلحها كانت مسويه صنيه بالفرن وولعت الفرن ودخلت الصنيه

وقفلت الباب بسرعه واثاري النار انطفت وامتلى الفرن غاز

طبعا فوق على القز كان قدر رز مولع

وابوي الله يحفظه من عادته يحب يشرف على الاكل

كان واقف يشوف الغداء

المهم قامت امي جات تجري خافت ان الصنيه انحرقت تخيلو يابنات دوبها فكت الفرن بقا الفرن

بووووووووووووووووووووووووووووووووووووم

انحرق شوي من شعر راسها حواجبها ورموشها راحت سلم وجها

وابوي المسكين انحرق سرواله السنه وانحرق شعر رجله

بس سلمووووووووو الحمدلله

الله يحفظهم لنا ياااااااااااااااااااااااااارب

ولا يوريكم مكروه

تحياتي

انا فيني نسيان مو طبيعي تخيلوا الخميس هذا الي فات كان عند اختي عزيمه رجال في بيتها وكانت مره مشتقه لانها عزيمه مهمه المهم انا من زود السناعه الي فيني قلت لها الحلا لا تشيلين همه خليه علي انا ابرسله لك ويجي الخميس وراح عن بالي الموضوع كله وطلعت السوق بعد المغرب وامر من جنب محل حلويات واتذكر اختي وعزيمتها بغيت انهبل حتى السواق احسه نقد علي واطير لمحل حلويات واشتري منه اربعه انواع تجنن وارسله لاختي على طول

ذكرتوني بااختي مره كنا معزومين عند ناس من بعد العصر وسوالف وقهوه وحنا على العشاء مع السوالف جبنا طاري الطبخ والاكل الا تذكر اختي انها حاطه قدر بتعمل بليله ونست تطفي النار وتتصل على زوجها تقوله روح الشقه وهو بعيد عن المكان واتصلت على ولد اختي بيتهم جنبها وقالت له انت في البيت قال بره بعيد قالت له روح وشوف اذا شفت دخان والا سياره مطافي والله الموقف صعب عشناه وحنا جالسين مابيدنا شي الا نصبر اختي ونقولها يمكن طفيتيه وانتي نسيتي المهم اتصل زوجها وقال لها انه داخل البيت متلطم مايشوف شي من الدخان والقدر راحت معالمه صار اسود وهي:icon33:تخيلوا اصبغت الشقه من جديد

اوووووووه موضووووووووووع شيق

انا نساااااايه درجه اولى الله وكيلك

مره تركت النار شغاله وطلعت مشوار ولما رجعت يا ليت انا اللي اكتشفتها لا زوجي هو اكتشفها وطبعا اكلت نصيبي من البهدله :06:وصار يدقق علي كل ما طبخت وكل شوي يشيك عالمطبخ وقبل لا نطلع لكن المشكله بعدها بكم يوم كمان نشيتها شغاله نص اليوم :35:بس هو ما اكتشف ولا قلت له..:D

والقصه الاخيره صااااارت امس نسيت شنطتي في حمام (الله يكرمكم) للسوبرماركت كنت بدخل ولدي وجنني ونسيته جوااااا وما اكتشفت الا بعد ربع ساااااااعه:06: والله طاح قلبي ورحت اركض عالحمام وجيت ابفتح الباب الا القى بنت صغيره عمرها تقريبا ١٠ سنوات :35:ومسكينه تاذت لاني فتحت الباب بلهفه على رجلها وهي شالحه واااااا خززززيااااااه:06:
المهم ما قدرت اصبر لحتى تطلع سالتها في شنطه جنبك سوده قالت لي توهم ودوها للكستمر سيرفيس :39:ورحت اركض والله فلم ولما شفت الحرمه قلتلها نسيت شنطتي بالحمام
قالت لي ايش داخلها وهي انجليزيه قلت لها جوال سوني ومحفظتي فيها بطاقاااااتي وكل الكااااااش وفي دوا حديد قالت لي خلاص هذا هي وانا حاولت افتح قائمه الاشخاص بجوالك لكن كله بالعربي ما فهمت شئ:hahaha:

شكرتها وحمدت ربي اللهم لك الحمد والشكر كما ينبغي لجلال وجهك وعظيم سلطااانك انه محد سرقها وربي برووووح فيها كل مصرفنا لهالشهر فيها الحمدلله يا رب الحمدلله

وبس تكلمت كثير وانا بعدني متاثره من امس :44:

بنات فيه ادويه تسبب نسيااااااان

زي الريديييييكتيييل

حبوب مثبطة للشهية بغرض التنحيف

والله يكون بالعون