هاجرني ماني ميته عليه بس ماهي حياه

بنات هاجرني من نفسه قام الصبح وانا اجهز عيالي للمدرسه خذ فراشك ورح لمجلسك وبعدها يوم جاء من الدوام قش ملابسك وحط لك دولاب العيال القديم حطه بغرفه الضيوف برا عند مجلسه وحط ملابسه فيه وقبلها حنا متهاوشين انا ماخطيت لو مخطيه اواجهه واعتذر وقضينا لكن يقوم كل صبح عاقد حاجبه ويصفق دولابب المطبخ واذا هو وصخ يلعن ويشتم مو معجبه يجيب شغاله انا وش الحق عليه المهم مره قبل نتهاوش بيوم قام معصب قلت وشيصحيني الصبح اقابلك ابرك لي اخلص العيال وارجع انام قال حبي راسي اذا شفتيني كذا قلت بالله وانا مني يحب راسي ورحت لغرفتي بعدها قام معصب كالعاده ماتحمل صياح الصغار الصبح ورحل اخذ فراشه مو متحملهم لايجيني وينام معي المهم ومنها صد انا ادري انه متهاوش مع اخوانه ويجي يفدع فيني وفعيالي ماشكالي ماطلع اللي بقلبه لا صاد ويفاضخ ويراضخ ويبيني انا اجيه اترضاه يستفزني بكل شي. لانت لااتصال وياخذ الشبكه عشان اتكلم ماتكلمت يبي ممسك علي ماقدر وقبلها طلبته المستشفى قلت ابي المستشفى تعبانه امش ودني قال سوي عشا العيال قلت انا تعبانه هذا همك قال لولدي الصغير قم قطع الدجاجه والدجاجه جامده ليه اعرض ولدي للخطر سويت عشاهم وانا ابكي مارحت جاني قال خلاص روحي يبي مع ولدي قلت ماني رايحه قال انا اقولك روحي قلت انا ماني على كيفك روحي وتعالي ويردد منتي على كيفي اوجعته الكلمه اكيد ماني على كيفه ومارحت رحت من بكره بس انا اللي ازعل انا اللي مع حق هو وش يزعل عليه يفدع بي واذى العيال نفسيا لاطلبوه شط قال لا ومامعي ياخذ جوالاتهم بدون سبب بعدين اخذ النت بس عشان يوجعني يقدر يجي يعتذر لي ويقول انا اخطيت لكن مكابر انا افكر افسخه بس مادري شلون خلاص طاب خاطري وتعبت منه بس افكر بالعيال مابي اخليهم