هاجس الأطفال

😂ياختى بدري على الدراسه خاصه شهرين 
اللى اربع ممكن دخليه روضه ويتعلم منها بالبدايه تتعبي بعده راخ تشوفى اذا يحبها او لا يعنى اذا تعلق بالروضه ويفهم ويحفظ هذا ماعليه خوف وراح يكمل دراسته نفس الشى الروضه ..موفقه

حبيبتي خصصي كل اسبوع سورة مثﻻ الفاتحة هذا اﻻسبوع وكرريها له وانتي جالسة وانتي بالسيارة وانتي تتطبخين لين يحفظها منك
انتي كرريها واطلبي منه يقولها وراك لين يحغظها وكتفي بهدية او مﻻهي وكرري عليه انت بطل انا فخورة فيك حافظ سورة الفاتحة وهذي مكافئة لك وخلي ابوه ينفخه بالشكر والكﻻم الحلو
قبل النوم خليه يردد خلفك دعاء النوم اسبوع وراح يكرر وراك صح ويحفظها ويذكرك فيها ان نسيتي

ابدئي مع الكبير علميه اذكار الحياة اليومية

من كتاب حصن المسلم 

و اهم شي القدوة يعني اذا علمتيه الكذب و حرام لا تكذبي عليه 

بالروضه هو لكن اقصد حب التعلم احس اذا مانغرس من بدري معاد ب ألحق 😭😭 ادري بدري بس ابو اربع كلها سنتين ويدخل المدرسه اذا ماتعود يتعلم ويحفظ او أزرع فيه اشياء احس بتصير صعبه مستقبلاً وذكرت انو مالي خبره. ف ابي استفيد من تجارب البنات
متشكره

بالعكس من يقول بدري العلم في الصغر ارسخ واثبت خصوصا حفظ القران وتعلم اللغات سبحان الله كل ما كان الطفل صغير يستجيب اسرع .. وانا لاحظت الفرق بين عيالي .. الصغير يستجيب معي ويتعلم ويحفظ اكثر من الكبير مع ان الفرق بينهم 3 سنوات ..
على العموم ولدك دخليه روضه .. وعلى حسب منطقتك وامكانياتك تحددين المواصفات ..
مثلا في الرياض والدمام وجده الخيارات مررره واسعه ومتنوعه ..
ممكن تختارين روضه منتسوري وهذي تطور من شخصيه الطفل وقدراته بشكل كبير اذا كان التطبيق صحيح ..
ممكن تدخلينه انترناشونال وهذي تاسس لك الطفل علميا تاسيس قوي ..
ممكن تدخليه روضه تحفيظ قران .. ومافي مثل القران سبحان الله يوسع مدارك الاطفال ويرفع من نسبه ذكاءهم ويقوي حافظتهم ..
وبالنسبه لي انا احب التوازن في اختياري .. يعني عيالي دخلتهم انترناشونال وبحثت عن مدرسه انترناشونال تكون مركزه برضوا على العربي والقران بشكل كبير والحمدلله توفقت ..

نجي لدورك انتي .. طفلك عوديه الحوار .. عوديه يعبر عن نفسه .. باي موقف مهما كان سخيف .. وعبري انتي برضوا عن مشاعرك له سوا زعلانه منه متضايقه من تصرفه سعيده بادبه فخوره بانجازه وزي كذا ..