7bebt medo @7bebt_medo
محررة فضية
هادا العيد احلى عيد شاركونى فرحتى
السلام عليكم..
كل سنه وانتو طيبين بعد الزحمة..
حبيت ابشركم انا ولدت وجبت احلى ولد فجر الجمعة رابع يوم العيد 3 اكتوبر
خلينا ندخل في القصه على طول<< احلى مافي الموضوع
طبعا زي منتو عارفين انا كان نفسي اولد في نص رمضان وكان عندى امل كبير عشان جبت بكريتي بدري
وكل ماعدا يوم بعد نص رمضان النفسيه تكتئب<< حوامل التاسع
وادخل اشوف الشريط واتحطم لما اشوفو قرب من نهاية التاسع وخفت من المعوشره
ماخليت شي ما شربتو من قرفه وزعفران بس سبحان الله ربنا رايد انو ينولد في نفس اليوم المتوقع لولادتو
اخر شهر ليارمضان فستلمت الرطب وماء زمزم يوميا<< من جد يبناااااااااااات لها فضل كبير وتأثير عظيم بعد الله
والدعا في تسهيل الولاده " هادى اول وصيه لحوامل التاسع الرطب وماء زمزم"
المهم جا العيد ورحنا صلاة المشهد وبعد مارجعنا ما قبلت ولا احد اولا النفسية زفت
تانيا ماشريت ولا شي للعيد بس رحت اتمشي مع زوجي وبنتى واخوانى في االملاهي
يوم الأربعاء تاتى يوم العيد مرينا على اخوانى ورحنا مطعم نتعشي على الساعة 12 وفجأه....
يبدأ الفلم ..
تجينى طلقه تمسك جنبي واول مره اشوف زيها كلهم صارو يطالعونى واقلهم مغصه عادى
بعد ربع ساعة كمان تمسكنى التانية واقلهم عااااااااااادى ثالث مره بعد ربع ساعة تجى الثالثة
قلت لزوجى الطلق منتظم خلينا نروح بيت ماما وادهن زوجه الطيب" تانى وصيه لحوامل التاسع زوجه الطيب ابرشوها
وابرشو زنجبيل اخضر وحطوهم في القدر مع شوية موية خليها تغلى شويه وصفو المويه وجيبو الحتل وادهنو
بطنكم وظهركم ولفوها طبعا من غير شد" اذا كان عندك طلق ولاده يحميه جااااااااااامد خلاص تانى يوم او نفس اليوم
انت ولاده بعد اراده ربنا
نكمل........
دهنتني امي وقعدنا انا وزوجى وماما وبالفعل الطلق يزيد ومازال كل ربع ساعة من الساعة 12 للساعة 2 الفجر
بعدين راح اخدت زوجي ورحنا البيت وسيبت بنتى تنام عند ماما عشان الألم
طلعنا البيت زوجي غلى التلفزيون وانا اشرب كاستين قرفة والف في البيت ساااااااااعة كامله مشي متواصل
من الساعة 4 للساعة 5 الفجر واكلم ماما في الجوال كل ماتجينى طلقة وبرضها كل ربع ساعة
ماما قالتلى كملى مشي وبعد الفجر روحى المستشفي وزوجى كل شوية ها نروح اقلو بدري ولما تجى الطلقه
اقلو يلا قوم تختفي اقول بلاش طفش وقال وقت ماتبغى انا قاعد هنا جنبك اختفى الألم بعد الفجر
وزوجى نعساااان قلتلو يلا ننام واذا جا الم قومتك نمنا وانا تجينى مغصه واقوم وارجع طنشت حبتين عشان اصلا
كان عندى موعد للدكتوره هداك اليوم الخميس طبعا ..
صحينا العصر واطااااااااالع في الجوال القى 20 مس كول من امى حبيبتى نسينا نطمنها حسبتنى ولدت
قلتلها ليش خفتى مو انت حتحضري الولاده المهم قلتلها احنا جينك في الطريق نتغدى
دخلت استحميت ورحنا لماما ودهنتنى تانى بالجوز والزنجبيل ورحنا انا وماما وزوجى على المستشفي
دخلت على الدكتوره قالتلى ايه داه انا افتكرت انك رحتى المدينه وولدتى هناك <<عشان اتأخرت
قلتلها لا انا معيده قالتلى طيب تعالى نكشف وماما وزوجى شغالين ازيه في بعض
المهم كشفت بالسونار قالت البيبي كويس وارسو مره في الحوض قلتلها ولاده قالت لما نشوق< قصدها الكشف
كشفت قالتلى تبغي تولدى قلتلها يااااااااااريت غلى بالى تبغا تعمل تحريض
قالتلى طيب اطلعى على غرفه الولاده انت مفتوحه 5 سانتى ماما وزوجى وانا قلنلها نعم مع الفميم المفتوحه
والعيون المفرصعه قالت ايه مو تبغى تولدى قلتلها هونت
طلعنا على الغرفة ولبسونى اللبس واعطونى الحقنه الشرجيه وانتو بالكرامه وقعدت في الحمام وماما تصلى وتدعى
وزوجى يدعي خرجت من الحمام حطونى في السرير وجات الدكتوره وفقعت الموية وبعدها وما ادراك مابعدها
ياسلام كل طلقه والتانية تتطير اقوم امسك في ماما بقوه واقول يارب يامسهل وزوجى يعطين الكمامة وعينو تدمع
وعلى دا الحااااااااااال الين ماهلوست واقلهم كلام مو مفهوم طبعا اقل لزوجى احنا فين؟؟ ايش هادا يلى بيصير
ومن دا الكلام ومن كثر منى معصبه يدى اتشجنجت الدكتوره وماما والنرس وزوجى مفجعوين وخايفين من شكل يدي
ويكبسو فيها المهم الدكتورة راحت عندها ولادتين في الغرفة التانية وحدا بكرية والتانية رابع بيبي
خلصت منهم وولدو بالسلامه وانا قاعده ادعى لبنااااااااات التجمع بتسهيل الولاده يقوم يقلى زوجى فاكرتهم
قلتلو ""يااااااارب سهل عليهم وعلينا" المهم اقوم من الطلقه واقول لماما بدى استفرغ ابغا استفرغ
في شي ابغا حمام ابغا استفرغ اللمرضة زكض جابت الدكتورة اقلها دكتوره خلصيني طليعيه قالت طيب دفي
وابدأ ادف وادف لما طلع الراس صرخت وصكيت رجولى والدكتوره كلبشت في الراس وماما والممرضه يفتحو رجلى
ويقلولى البيبي لا يموت ربنا ستر وزوجى انهار من دى الكلمه وصار يدمع المهم دفه كمان طلع حبيبي عمر
الساع 2 من فجر الجمعه وحطو فى حضنى والدكتوره قعدت تكمل شغلها وقتها حسيت بملك الدنيا والراحة
وتوته توته خلصت الحتوته لو بيتكم قريب كان جبنالكم صحنين زبيب
وعقبااااااااااال كل الحوامل وحوامل تجمعى
97
5K
يلزم عليك تسجيل الدخول أولًا لكتابة تعليق.
الصفحة الأخيرة
والحمد لله على سلامتكم
انتي من المدينه زييي ياسلاااااااااااام حتى انا عيدت بالرياض مو بالمدينه الله يسعدك يارب