من يطفي دمعتي يوم حرقت
خدي وسالت كنها جمرة لهب
من يداوي عيون دمعى
وجروح قلب ولــــــه
من يجاوب طفل سأل،
وين جدي؟
وين راح؟ قولي يمه؟
لا قومي أول ، حطي دواء خدك
ثم ن تعالي واشرحي
وقولي يمة ، وين جدي وين سافر؟
عشان اروح له
راح يايمه
وين راح منهو خذاه
سيارتة بالباب مركونة
وكان وقته يلعب معي
وقال عقبة ياخذني الملاهي
وبعدها يمه ، مدري شسار
ليه ماتدري حبيبي ؟
لا يمه ماقلتولي شي
وشفتكم تبكون ، وقلت ما يصلح أقول
ودوني الملاهي
لا ما يصلح اروح الرجال
وأقول وين جدي، ثم اقول ودوني الملاهي
لا يايمة جدك خلاص
ما راح يوديك الملاهي
لا يمه لاتقولين
جدي يعني ما راح يجي ؟ وليه طيب؟
منهو خذاه يالله قولي لي .
هادم اللذات يابعد عين امك .
هادم اللذات ...!!!
منهو هادم عمري ماشفتة
حتى جدي ما قال لي قصة عنه !!!
لا يايمه هادم اللذات حبي
مرسلة ربي
مرسلة ربي!!!
شلون وحنا ما نشوفه
لاحبيبي ما نشوفه
ولا نحس فيه ... ولا حتى نسمعة ...
هو خوي جدي
لا يا يمه هو خوي الناس كلهم
يعني يمة ممكن يجي وأروح معه
وأشوف جدي
لا يا يمه ما يجي هالحين
ما يجي بكيفك
تدري ... أنا بقول لك
قولي يمه طولتي الحكي
وأنا تعبت أبي جدي
هذا يايمة هادم اللذات اسمه
يرسلة ربي لكل البشر
حتى حنا أنا وياك
وأبوي واخواني
ايه يا يمه
تدري من يحب هادم ؟
تدري من يرسله له ربي
للي يطيعة ويعمل بأمرة
قولي يمه شلون أطيعة
شلون أرضي بي
وأروح له
وأشوف جدي وهو عندهم
صح يمه؟ انتي قلتي
هو عندهم
ايه يا يمه خلك رجل
وانا بقول لك كل الحكي
ايه يابعد عمر امك
ابني بيتك بأركان دينك
واعمل فروض وواجبات املاها لك ربك عليك
ولازم تطيع ربك أول
وتحب رسولك سيد البشر
ولا تفوت أي دقيقة بدون ذكرة
ولا تقول بعد شوي اقوم اصلي
ولا تقول بكرة أتوب
ولا تقول يومك وحيد
أنا لحالي ولا أحد يقدر يشوف
ولا تغرك الدنيا ، وأعمل لها
خلك كريم
واحسن بظنك كل البشر
حر وعبيد
وانصح زميلك
وانصح اختك
وكل من حبيته يمه
بدنيتك
وبعدها يمه يحبك ربك
ويرسل لك هادم اللذات
وتروح لهم
وتشوف جدك
يالله يمه فمان الله
بروح افكر في كلامك وأستعد
لا يمه ما هو بكرة
اليوم حتى أشوف جدي
مشتاااااااااق له حييييييييل
ابي اشوفه والعب معه
ضميني يمه
ايه صح يمه !!!
ليه دمعتك يوم جيتك
يحرق بخدك
هو فيه حد زعلك ؟
لا يايمه هذا من حبك
وأنا بعد يمكن مسخنه
هل ياترى يا من سمعتوا بوحي أنا وولدي
من يطفي لوعة الطفل البريء ؟
من يجاوبه بسؤاله يومه سأل ؟
من تولع؟ من سأل نفسه سؤاله ؟
من قال تكفون هادم اللذات يبـ يجي ؟
وياخذ مننا واحد عاجل أو آجل
وأنا هنا اترك لكم ختمة كلامي
وبترك لكم بعض الحكي
ام جوووووري @am_gooooory
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
بارك الله فيك غاليتي..
ننتظر جديدك..
دمتِ بود