هاذا تطور ولا تدهور

السلام عليكم


يابنات الضاهر اننا صرنا باخر الدنياء العالم تغيرت والله اليوم رحنا انا وزرجي لسوق بصراحه شئ يخوف وش جانا

وش الي غيرنا يحافض انا اذكر ان الي يدور بالاسواق الهيئه لاكن الحين لامكان للهيئه بالاسواق ماغير الشباب

تدور بسياراتهم وانواع الاغاني العاليه الي تفقع الذان ولا وحنا نمشي ولا مجموعة شباب يمشون ومر من عندهم

واحد مولع الاغاني يجي واحد من هالشباب يرقص ويتهزز قدامي انا وزوجي والي بسياره يشجعه ويقوله ورا ورا

ولا استحى من العالم الي تمشي ولا البنات شئ صراح العبيات الي كل وحده تقول الزين عندي واصواتهم عاليه

يعني انا مادري وين الامهات عن البنات ياناس البنات اذا جتمعن بسوق لا بد من الصراخ وضحك والاستهبال

يعني اذا بنتي تبي تواعد صديقاته خلوهن يتواعدن بملاهي مراكز نسائيه مب بسواق والله ان مجموعة بنات

مرن من عندنا وحده منهن مسويه خفيفت دم تسوي نفسه تكلم بالجوال وبصوت عالي مره تقول جهز سيارة الشبح

ولكزز وخوياته فاقعات من الضحك طيب وش الفايده من اجتماع البنات بسوق وانا ماقول لا طلعون البنات


طلعهون ياأمهات بس خلوهن قدام عيونكم والله الهم لك الحمد امي الحين تروح مع خواتي لسوق وتمشى هي وياهن

بعدين تعشئ وتطلع بس مافيه ابواعد صديقتي بسوق غلط حتى لو البنات مب راعيات خرابيط اذا جتمعن يكثر الضحك

والشباب مايرحم يبي اي اشاره والشيطان مامات

لا وصارو العالم تغازل علنن مافيه خجل عادي وحده جالسه تكركر وتضحك مع واحد ويتبادلون الارقام يعني منول

ينخشون يرحون بزاويه لا الحين بوسط الناس وعادي مافيه خوف حتى زوجي يقولي شفتي الي انا شفته


ولا أنختمت عاد طلعتي يوم خلصنا من السوق رحنا نتعشاء بمطعم وانا جالسه ننتظر الطلب يجي راح زوجي يغسل ايدينه وليدي طوطو يلعب

قدام غرفت الطلب وانا موخره الستاره اراقبه ولا الي يجي ذاك الولد ابوا خمس سنوات يركض ويدف وليدي ويجدعه على

راسه ويناحش لأهله وهو يضحك ومستانس وياعمري عمره طوطو انواع الصياح حسبي الله ونعم الوكيل ويجي زوجي

وقوله وينقهر لان الولد اكبر من ولدي بواجد وقسم اني تمنيت يطلع عن اهله اني لاقبص اذنه لمين يتادب

يعني مادري ليش بعض البزران فيه شراسه غير طبيعيه وبعض الاهل يشجع قلت ادب اطفاله يعني يوم يدف ولدي

جاء يركض ودخل على اهله وصوت راس ولدي واضح والمطعم صغير ليش ماكلف على نفسه ابوه شاف وش مزين

ولده الاليف اخ اخ بس قسم اني للحين منغثه :44::44: ودميعات ولدي بين عيوني خوفه حسبي الله ونعم الوكيل








والعذر وسموحه طولت بالكلام