هاذا جزء من الي صار حياتي .............................. .............ز

مادري اش اكتب بس والله مادري من الهم او من الاندهاش او مادري مو مستعوبه الي يصير والله مو مستعووووبه
يا جماعه انا ارمله ساكنه عند اهلي بشقه لحالي بعد مشاكل صارت معاهم ولاهم متحملين عيالي ولا متحمليني عشان كدا استقليت وطبعا هم ارتاحو لانهم كانو بس مشاكل معاي ويصارخون ع اولادي وتوصل احيان لضرب ويحاسبون حتى على لقمتنا لو نموت انا وعيالي مستحيل ناكل من اكلهم إالا نشتري اكلنا واغراضنا ولو عيالي يفتحون التلاجه ياويلهم امي تجلس تخاصمهم كنت ساكنه بغرفه ودحين الحمدالله استقليت بشقه المهم انا من طبعي احب المكياج واللبس ومهتمه بنفسي وكريمات وخلطات وكدا احب الاشياء هاذي وعملت رجيم وضعفت كم كيلو وكنت جالسه مع امي واختي وقالت امي فلانه حرمه ام اطفال وتدهن وتتلمع وشايفه نفسها انها نحفانه ترا نحفتي ولا مانحفتي ام بزوره قالتها بنبره حااااره وتغير وجهها وكانها مقصوده لدرجة اختي كانت تطقطق بجوالها رفعت راسها وتناظر فيني استغربت ولا رديت بس قلت الله يعينها
بس مو اول مره من امي يصير دقات بالكلام برغم اني انا صح ارمله بس عمري صغير ترملت وانا 27سنه ودحين 31سنه حتى مره كنت لابسه ساعه من ديور وبنت خالي قالت مشالله ساعتك تجنن انا احب الساعات هاذي وبنص الهرجه وامي ترفع يدها وتقول حتى انا لابسه ساعه وحسيت الي بالجلسه اندهشو من حركة امي وتفشلت صراحه حتى امي مشالله من النوع المهتم بنفسه ولما يجي احد يخطبني وارفض تقول وافقي والله انا لو يجيني شخص لوافق تضايقت من كلامها لانها حرمه كبيره وجده المفروض تكون وفيه لابوي ,,, وكنا جالسين مره انا واخواتي وامي قالت امي وهي تضحك بمسخره مكحله عيونك !! وليش ماكحل عيوني كل الي بعمري كدا محسسيني اني عجوزه !! دايم يحطمون فيني امي واخواتي برغم اني احسسهم اني مو مهتمه لهم والحمدالله دحين اخر سنه بالجامعه والله والله عمر امي ماسئلتني عن دراستي بالعكس لما اتكلم عن دراسيتي عطول تجيب دراسة اخواتي وتجلس تمدح فيهم ورافعتهم لسما وانا كاني ضرتها ماني بنتها ولا قد حسستني بحنانها من يوم وفاة زوجي وهي تجاكرني كرهت نفسي اخواتي لما اجي عند امي يدخلون غرفهم ويطردون عيالي ولما اجي امي نص ساعه باليوم اشوف انواع الضيقه بوجهها والله ازورها وانا ابي لاجر من رب العالمين
بتقولون امك امي ازورها وانا اشواف انها تتضايق من جيتي امي دايم اخذ لها هدايا واحاول احببها بعيالي ترضى عليهم يوم وبعدها نرجع كما كنا امي كل عيد اخذ لعيالي كل واحد هديه يهديها لامي بس مانفع
امي لما طلبت نصيبي من الارث وراتب ابوي الي المفروض يمشي لي كل شهر رفضت وعصبت علي وقالت احمدي ربك لمينك انتي وعيالك وساكنين ببلاش قالت لها يامي فيه ام تقول لبنتها دا الكلام قالت ايوا عشان تعرفين من الاول تقصد عشان ما اطلب شي تاني قلت لها انتي تدرين عن وضعي المفروض تساعدوني ماهو تاخذون حقي والله والله رحت شقتي وانا ضايقه فيني وجلست ابكي ابكي زي الطفل ناديت اخوي الكبير وجلست ابكي عنده من القهر وقلت له كل شي قال هاذي امي مانقدر نسوي شي قلت له انا ماهمني الفلوس بس ليش تقثول لمينك انتي وعياللك ومسكنينك ببلاش جرحتني وربي
والله والله مت قهر يومها وطلبت الله يغنيني بفظله ويغنيني عن خلقه ويرحم ضعفي انا وعيالي وقلة حيلتنا والله انفتح لي باب ماتوقعت انه بينفتح الحمدالله يارب العالمين مشاءالله ولاقوة الابالله و****لله ربي يغنيني عن خلقه وهو وكيلي ونعم الوكيل طبعا امي لازلت ازورها واخرج معاهم برغم كل الي اشوفه منهم اخواتي لازالو علباقتي معاهم سلام فقط او كلام سطحي كالاغراب لاني مجبره اطفالي لسا صغار اكبرهم 6سنوات لاكن الله قادر ان يبدل حالي ولا يجعلي حاجه عند خلقه وان يعزنا بعزه ..... دعواتكم