البيت ما شاء الله حلووو و فيه مجال انك تسوين فيه ديكورات كثيير و افكار اختي التاجرة جداً راقيه و من جد لو درتي محلات الاثاث بتتغير نظرتك و بتحسين ان عندك كذا فكره للمكان الواحد الستاره اللي عند باب البيت لو شلتيها احسن و غيرتي اطار الشباك بيكون احلى و بأمكانك تحطين في جهه نبته كبيره و يكون الاصيص حقها بشكل فخم و في الجهه الثانيه اي شيء ثاني نبته ثانيه ممكن بشكل غير ..فكري و تخيلي و سوي اللي احساسك يقولك عليه و ان شاء الله بتتوفقين ..


و بالتوفيق يا رب و عقبال ما نشوفه في الشكل النهائي مثل ما ودك يا رب :)

رووووووووووعه

الزمرده الزرقاء .. يا مرحبا بالجواهر كلها .. مشكورة يالغاليه عالنصايح الثمينه و فعلا المنطقة اللي تحت الدرج محتاجة شغل و سوالف بس ترا في الصورة المكان طالع صغير في الحقيقه هو واسع احس حركة الكرسيين و الطاولة ما بتغطي الفراغ كله.. ما دري افكر اصبغ او احط ورق جدران عاى شكل حجر و احط نافورة او شلال و يتخلله زرع .. ماعرف شو رايكم؟؟
اتصدقين ما كنت منبهة للمزهرية ابدا .. كلامج صح المزهرية مغطيه .. بس عموما الطاوله و المراية صغيره على الجدار .. ترا الجدار كله فاضي .. شو اسوي فيه؟؟


الوناسة ..مشكوووورة يالغالية .. فعلا في الصورة مبين صغير بس هو اوسع من كذا .. بحط صورة ثانيه ابعد و قوليلي شو رايك؟

التاجرة .. فعلا اختي كلامج صحيح مية بالمية .. انا فعلا كنت مفكرة اغير هالطقم كله لان عمره سنتين و الوانه و حركته جدمت واايد .. انا مفكرة يكون الكنب زيني و ذهبي مع خداديات و شمعدانات يعني اعطي شوي المكان كلاسيكية و فخامة مثل ما انتي قلتي و الافكار اللي قلتيها الصراحة ساعدتني واايد .. و فعلا السجادة مالها علاقة في المكان هاذي كانت في ممر المطبخ بس الخدامة جابتها هنا و انا ماانتبهت :D
الصراحة فكرة السجادة الفرو رووووووووعه بنفذها اكيد!!

بالنسبة للبوية لا مو تعتيق .. البوية رخامية استوكو في المدخل كله .. بس افكر الجدار اللي فيه القوس في المدخل اعطية لون ثاني غامق بس مادري شو رايك؟؟

اكييييييييييييد افكارك روعه و ذوقك لا يعلى عليه و اعتقد اني بطفشك بالاستشارات اذا ما عندك مانع :D

* دويمه* .. هلا و غلا والله و مشكورة عالمرووور الطيب :)

عذيب .. مرحبا اختي .. انا من الامارات .. الستارة هاذي انا شارية القطعه من سوق الشارقة من سنتين و المسكات من نفس السوق بعد و بروحي ضبطها ..السوق هذا كلللله محلات قطع ستاير و سووالف ديكور.. اذا تحبين بقولك المكان بالتفصيل ..

sun_o0o_moon .. هلا يالغالية مشكوووورة عالنصايح الثمينة و فعلا المكان محتاج زرع اكثر و فكرة النبات فعلا روعه!!

UAE_forever .. انتي الروعه يا بنت لبلاد :)

والله يا بنات ما قصرتو الصراحة .. اذا عندكم صور يا ريييييييييييييت تحطوها .. و اللي تعرف محلات في الامارات الله يخليكم ساعدوني بيها ..

ماشاء الله
ما عندي تعليق بعد كلام البنات
غير اني بأقول لو تحطي باقة ورود لونها عودي بدل اللي على الطاولة

ومبروك البيت عليكي

روزااا .. مشكوورة يالغلا عالمرور و فعلا البنات ما قصرو !! و مثل ما قلتي المزهرية كلها بشيلها و بحط شي ارتب عشان المرايا تبان و مشكوووووووووورة .. :)