السلام عليكم ورحمة الله وبركاته
أنا توي مسجله و هاذي اول مشاركه لي وما سجلت إلا علشان ذا القسم اللي أكثر من رائع واللي متابعته من 3 شهور ويعلم الله إني حبيتكم كلكم وعايشه معاكم كل مشاعركم والله أني ابكي لما وحده تكون زعلانه انو عمليتها مانجحت وألا جتها الدوره من بعد تأخير وادعي لها بالحمل وافرح لما أشوف أي بنت من القسم حملت والله أني افرح لها وكأنه أنا اللي حااااامل :32:,,
أنا من زمان ودي أفضفض واطلع اللي بقلبي وما لقيت قلب كبير يسمع لي ويتحملني غيركم يالغااااااليااات ,,
أقولكم قصتي,
أنا متزوجة من سنه و 3 شهور وما صار حمل للان الحمد لله على كل حاااال
طبعا من بداية زواجي ومن الشهر الأول وأهل زوجي يسألوني ماحملتي ؟؟؟!!!!!! وأنا ماكنت أكل حبوب منع الحمل ولاشي بس كنت اتبع طريقه العزل
زوجي هو ولدهم الكبير فتخيلوا الوضع كل ماشافوني قالوا هااا مافي شي بالطريق !! وخصوصا أبوه مع إن زوجي عادي عنده نأجل مسالة الحمل وكنت متفقه معه من الملكة أني ماحمل إلا بعد سنه من الزواج
بس أهله مو عاجبهم الوضع وبالأخير مره طقيت من أسئلتهم بالشهر الثاني من زواجي سألني أبوه وقلت له تو الناس لاحقين على الحمل أنا بهتم بالجامعة السنة هاذي ويوووو قامت القيامة حتى وصلني خبر انو قال انه يبي يزوج زوجي وحده علشان تحمل وأنا أظل معه وأتفرغ لدراستي !!!!!! وش رأيكم !!
على العموم كنت أنا وزوجي مطنشين بعد ماكملت 3 شهور صرنا أنا وزوجي عادي نبي حمل ومر 3 شهور وما صار حمل ولله الحمد طلبت من زوجي انو أروح لدكتورة نساء واحلل واتاكد
وافق ورحت سوت لي التحاليل وكل شي سليم ولله الحمد التبويض ممتاز والهرمونات كلها سليمه ,, وعلى طول بدأت معي منشطات طبعا انا مو فاهمه الطبخه واحسب عادي كل اللي يتأخر حملها لازم تأخذ منشطات وبعدين هي حتى ماقالت لي خلي زوجك يحلل << وبديت رحله الألم استمريت ثلاث شهور على الكلوميد وحبوب ثانيه ناسيه اسمها والإبر التفجيرية طبعا وكل شهر سونار مهبلي علشان تشوف التبويض وكانت تقول لي ممتاز جدا ولله الحمد وكانت أمي دايم تزعل وتهاوشني علشاني أتعالج تقولي أنتي مافيكي شي ليش تأخذين منشطات وبلاوي لاتسوين بنفسك شي وكنت ماهتم وأقولها زوجي مافيه شي !! وهو ماحلل
طبعا حسيت اني مو مقتنعه بعلاج الدكتوره وقفت شهرين وقلت ابي اغيرها رحت لدكتورة شاطره وسوت لي التحاليل كاملة مره ثانيه وقالت انتي ماشاء الله كل شي عندك سليم انا ماراح ابدا معك أي شي الا زوجك يحلل !! رحت قلت له لازم تحلل ماوافق طبعا بعد مرورر حوالي سنه من الزواج
رجعت للدكتورة قلت زوجي مو راضي يحلل خلينا نبدا علاجات ومنشطات بس الدكتوره الله يجزاها كل خير رفضت وقالت ماراح ابد معك ولا شي إلا زوجك يحلل والى هالوقت لاتجين ابد الا بعد تحليل زوجك ,,,,
رجعت البيت واصريت عليه وجلست أصيح لان نفسيتي كانت حيل تعبانه حتى كنت اهمل دروسي
بالأخير وافق وراح حلل وكانت الصدمه عنده عدد الحيوانات المنويه 2 مليون مع بط بالحركه !!
وقاله الدكتور ان سبب تاخر الحمل منه وبدا معه علاج وكتبله proviron _ Trental _ Stresstabs+Zinc
وكلوميد وغذا ملكات النحل وابر يأخذها كل أسبوعين ويستمر 3 شهور بعدين يجي يحلل كان ياخذ العلاج بس الابر ماكان يأخذهم وهم اهم شي !! يقول ماحب الابر !!!!!!!!!!!!!!!!!!!!!!!!!!!!!!!!!!!
بيوم 2 /10 كمل 3 شهور على العلاج ماكنت أبي أضايقه بالعيد وانتظرت ويوم 7 /10 قلت له حلل ومو موافق ولا مهتم ,, والله نفسيتي تعبانه من كلام الناس وكلام اهله وهو ولا على باله بس ياخر يقول بعدين بعدين
وانأ الحين مفكره بالتلقيح الصناعي بس انتظر أشوف نتيجته ,, والله يعيني مادري شلون بقنعه بالتلقيح الصناعي :06:,,
تكفون بنات ابي نصيحتكم اسوي تلقيح والا لا ؟؟ واللي تعرف كم تكون نسبه نجاحه بمثل حالتي تفيدني
ومحتاجه دعوااااااااااااااتكم وأملي بالرحمن كبير والله يغنينا من فضله ومحتاج للتلقيح ولا شي :27:
ياااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااارب
j0lie @j0lie
عضوة
يلزم عليك تسجيل الدخول أولًا لكتابة تعليق.
j0lie
•
حاسه فيكي ............... من ناحية تسوين التلقيح الصناعي والا لا..هذا يعتمد على تحليل زوجك ونتيجته وعلى موافقة الدكتوره اذا التحليل نسبيآ ممتاز... ومن ناحية اهل زوجك لاتدققين ولاتقولين شي ..قولي دايم الله يجيب الخير وكل شي بوقته حلو وادعولنا... وترى كلام الدكتوره الثانيه ممتاز ..لازم اول شي قبل لانلعب بأنفسنا ونآخذ من هالمنشطات نتاكد من سلامة ازواجنا ...مو نتعب انفسنا واجسامنا وبالاخير على فشووووووووووووووووش... انصحك اوقفي مع زوجك في كل الاحوال ولاتخلين هاجس الحمل يخرب علاقتك بزوجك وصدقيني الرجال اذا شاف الزوجه تطلب حبه وتسعى لسعادته قبل لاتسعى لطلب الاطفال يضحي بكل شي وبالتالي هو يدور سعادتها بس كل شي يبغاله وقت ...طولي بالك على زوجك وتعتبر بادره كويسه انه استجاب لأخذ العلاج ومعليش بتتعبين معاه شوي الين يعمل تحليل<<<<لانه بيكون خايف من النتيجه ... الله يكتبلك ولنا كل خير وتطمنينا عما قريب ياربحاسه فيكي ............... من ناحية تسوين التلقيح الصناعي والا لا..هذا يعتمد على تحليل زوجك...
مشكوره اختي اتمنى اكون ام ويااااارب ياحي ياقيوم انه مايمر تسع شهور الا وانتي صايره ام وبحضنك اجمل طفل ,,
j0lie
•
انا مع اختي ديما الديم والتفاهم اساس كل شي الله يوفقك ويعطيكي على قد نيتكانا مع اختي ديما الديم والتفاهم اساس كل شي الله يوفقك ويعطيكي على قد نيتك
مشكوووررره على الدعوه يالغاليه ,,
الصفحة الأخيرة
من ناحية تسوين التلقيح الصناعي والا لا..هذا يعتمد على تحليل زوجك ونتيجته وعلى موافقة الدكتوره اذا التحليل نسبيآ ممتاز...
ومن ناحية اهل زوجك لاتدققين ولاتقولين شي ..قولي دايم الله يجيب الخير وكل شي بوقته حلو وادعولنا...
وترى كلام الدكتوره الثانيه ممتاز ..لازم اول شي قبل لانلعب بأنفسنا ونآخذ من هالمنشطات نتاكد من سلامة ازواجنا ...مو نتعب انفسنا واجسامنا وبالاخير على فشووووووووووووووووش...
انصحك اوقفي مع زوجك في كل الاحوال ولاتخلين هاجس الحمل يخرب علاقتك بزوجك وصدقيني الرجال اذا شاف الزوجه تطلب حبه وتسعى لسعادته قبل لاتسعى لطلب الاطفال يضحي بكل شي وبالتالي هو يدور سعادتها بس كل شي يبغاله وقت ...طولي بالك على زوجك وتعتبر بادره كويسه انه استجاب لأخذ العلاج ومعليش بتتعبين معاه شوي الين يعمل تحليل<<<<لانه بيكون خايف من النتيجه ...
الله يكتبلك ولنا كل خير وتطمنينا عما قريب يارب