هاذي قصتي مع الربط ......وارجو منكم الدعاء

بسم الله الرحمن الرحيم
السلام عليكم ورحمه الله وبركاته
قبل فتره استفسرت من خواتي في المنتدى عن عمليه الربط وهم ما قصروا معاي

الحين الحمد لله سويت العمليه قبل عشره ايام تقريبا ...... وحبيت افيدكم مثل ما افدتوني وارجو من كل اخواتي الي يقرون الموضوع يدعون لي ان الله يثبت حملي ان شا الله..... ويحفظ لي ولدي.....:02:
شوفو حبايبي قبل 7 اشهر تقريبا اسقطت في الشهر السادس وطبعا اكيد الي جربوا التسقيط
يتمنون يجربوا الولاده ميه مره ولا الم التقيط الله لا يضيع اجري واجر كل مسلمه
المهم قالت لي الدكتوره لا زم ربط لو حملتي مره ثانيه .....
والحمد لله ربي كتب لي احمل بعد ثلاث اشهر من التسقيط وبصراحه كنت جدا خايفه لانها قالت عنق الرحم عندك ضعيف وممكن يفتح مع ثقل الجنين وما اقدر اعمل لك ربط الا في نهايه الثالث يعني في الاسبوع 13 المهم طبعا انا استفسرت منها اكثر وحبيت افيدكم وراح اذكرها لكم في نقاط.....
1_ عمليه الربط ما تسويها الكتوره لكل الحالا ت الي سبق لها التسقيط بعضها بس كضعف عنق الرحم ......وحالات ثانيه والله موفاكرتها....

2-يعمل الربط في الاسبوع ال13 ليه لان الجنين بعد الاسبوع ال13 يبدا وزنه يزيد بسرعه ويخافون يثقل على الرحم ويفتح الرحم

3-انا قريت في المنتدى ان الربط بطريقتين وحده خياطه واعتقد الثانيه بطريقه الفيونكه انا لما قلت لدكتوره ها الكلام استغربت وقالت ما فيه الاخياطه بس؟؟

4-طريقه الخياطه هي عن طريق ابره خاصه تلف حول عنق الرحم بشكل دئري الى ان تغلق عنق الرحم بخيط حرير..

5-لازم تجلسين على ظهرك لمده اسبوعين .........

6-لما خلصت العمليه سمعت من بعض الي سوو ربط يطلعون بنفس اليوم لو هم بخير بس انا جلست لليوم الثاني والمغذي ما تعدى الربع من يوم طلعت من العمليه الى اليوم الثاني:06:
سالتهم قا لوا 4 مل كل اربع ساعات بس وكان المغذي مانع لطلق.. وسبق وقلت كل حاله تختلف عن الثانيه

7_عن نفسي اخذت ابره كل ثلاث ايام ثلاث مرات ابره مثبته وهي مؤلمه مره وبرضوا سالت الدكتوره عن الالم قالت لانه محلول زيتي مو مائي والزيتي يؤلم اكثر...
واخذ حبوب تمنع الولاده المبكره نصف حبه كل 8 ساعات وهي متعبه جدا وشكيت لدكتوره ما قدرت اتحمل الالم قالت خذيها كل 12 ساعه انتبهوا الدكتوره الي قالت لي مو من راسي يعني انا ذمتي بريئه انا كتبت هنا للاستفاده فقط:30:

8-بعدالعمليه بتنزل معاك قطع زي قطع الدوره وانتوا بكرامه...لا تخافون هاذي الدم المتجلط بعد العمليه والنزيف يكاد لا يذكر شيء خفيف مره ويتحول الون البني اليوم الثاني واليوم الثالث يختفي ان شاء الله:11:

هاذي تجربتي واتمنى تستفيدوا منها وان شاء الله ربي يثبت حمل كل حامل ويرزق خواتنا المحرومات با الذريه الصالحه ويقر عيونهم ان شاء الله بطفل ......:55:

ارجو ان لا تنسوني من دعائكم:(