هاذي نتيجة تربية عمتي!

عمتي ربت عيالها على انهم مستوى هاي و انهم افضل من باقي العائلة مثلا ما يجتمعون مع باقي الجماعة ما يوجبون اي احد الا عنده فلوس او مكانة و الله ما امزح ما يزورون اي احد حتى بنات و اولاد اعمامي و عماتي ما يعرفون اساميهم وش صاير عليهم اذا تكلم معهم احد عادي لا يردون عليك لا يعرفون كبير و لا صغير و كلهم كبار يعني مخلصين جامعة
المهم عدنا بيت العائلة بيت جدي ما يمرونه لين مات الله يرحمه و ما يدخلون البيت ع اساس مو مستواهم
المهم انا ما كان لي اختلاط فيهم كثير لاني اعيش بمكان بعيد
و صارت منهم مواقف كثير بينهم و بين باقي العائلة حسب ما يذكرون لي ابذكر منها مثالين للاختصار مثلا بنت عمي راحت تزورهم يعني تسلم عليهم و تعطيهم بطاقة دعوة لعرس اختها بنت عمتي تقول لها ما عندنا احد بالبيت و تصك الباب بوجهها و مواقف من هالنوع
مثال ثاني بيوم عرس اختهم الحضور ببطاقات و عمتي عزمتهم بس ما علمتهم انه في بطاقات على اساس يعني اهل و قرايب
يوم حضرو رفضو يدخلونهم و تجي عمتي للي بالبوابة تقولهم هذول قرايبي يدخلون الا و بنتها تجي راكضة تسحبها و عمتي طنشت و راحت هههههههه و الله كانه فيلم هندي
المهم دارت الايام و عيالها صارن بينهم مشاكل و اتهامات لان كل واحد فيهم اناني يحب نفسه و تفرقو و مشاكل تشيب براس امهم المسكينة اخرتها الام مرضت ذاكرتها ضعيفة برغم انها ما زالت صغيرة بالعمر و الكل تزوج و تركوها
و الاب ما حد يهتم فيه بعد و مل من حياته بين الجدران و زوجته المريضة قرر يتابع حياته و زوجته بعز المرض باع البيت اللي حاطين بالهم فيه
مرة تسافر لبنتها مرة لولدها كل واحد يرميها ع الثاني لين في الاخر قررو يحطونها ببيت الجد اللي ما يطيقونه ذليلين لعمتي الثانية ترضى تاخذها عندها بالبيت و عمتي رفضت لان جدتي مسؤولية ما تقدر على اثنين
الخلاصة هاذي نتيجة تربيتها تخلو عنها بعز حاجتها خصوصا ان مرضها نفسي ع حسب كلام الدكتورة الطفل اذا ما عودتيه يعطي و يحترم من صغره ما راح يتعلم بكبره كيف يعتني بغيره و يكون انسان غير اناني