هالإنسانة إذتنا

السلام عليكم ورحمة الله و بركاته

بختصر بالموضوع عشان مابي أحد يعرفني بس بحطكم بالصورة

ياناس في حرمة أذتنا بكل شي و المشكلة من تحت لتحت و محد ينتبه لها إلي بيركز و هي من صفاتها حسودة غيورة حقودة
و كل شي تغار منه لو شي تافه
(لأحد يقولي كل الحريم يغارون أحنا نغار غيرة محمودة يعني شفت وحدة شعرها حلو أحاول أصير أحسن منها و أهتم بشعري أكثر و أكثر و أهتم بنفسي -عجبني لبسها أحاول أكون دايم كشخة و هي الله يهنيها بلسبها مو أحقد عليها و أكرها و أسبها و و أحاول أنتقم منها لأن فيها شي حلو !!)

كل بيتنا عرفها و لسانها ينقط عسل إذا قابلتك أنا مادري إذا قابلتنا مرة ثانية و دخلت بيتنا شلون ماتستحي هي ماتتذكر أعمالها الشريرة ؟؟؟؟؟؟و تتفشل منها خصوصا إنا أكتشفناها ؟؟ لا تدخل بكل ثقة وتسلم عليك كأنها ماسوت شي !! ياليت بس سوت فعل ماضي و أنتهى لا هي تسلم علينا و تسوي نفسها طيبة و على نياتها و هي بتسوي و بتسوي بالمستقبل
هي تكرهنا كره العمى و تتلزق فينا ليش مادري !! و كل عاليتنا حاطتها تحت المجهر رجال و بنات كلن اذته منا طبعا عندها جنود ترسلهم لنا (أقصد بالجنود يعني حريم من طرفها ولهم علاقة قوية فينا )
للحين مستمرة بكافة الوسائل تذينا في كل فرصة تحصل لها

و أكثر شي تركز عليه عيوب الناس إذا شافت عيوب بالأشخاص لازم تذكرها عند كل الحريم لو العيب بسيط جدا
و الله يابنات إنها حتى تتطنز على خلقة ربي حتى لو البنت مافيها شي بس مو عاجبتها أو فيها شين بسيط جدا جدا تلفت أنتباه الناس له و تقول شوفوه

المشكلة مانقدر نطردها لا جات بيتنا و السبب صلة رحم بعد صلة رحم مو معي أنا مع شخص ساكن ببيتنا
أنا مادري شلون أتصرف معها
آخر شي سوته أرسلت وحدة تقرب لي و تقرب لها بنفس الوقت بس تقرب لها أكثر تضايقني
(يابنات هالوحدة إلي تقرب لي ماتدري عن شي و فاهمة غلط (إمعة)و للحين ما اكتشفتها مثل الناس إلي أكتشفوها هي تتظاهر قدام قريبتي بالطيبة الزايدة و مستحيل تسوي شي شرير قدامها )
المهم إنها أقنعت قريبتي أنا أحنا ظالمين و هي الضعيفة المظلومة و الله لا يوريكم قريبتنا هذي شنت حرب أرض جو وقنابل عنقودية ورشاشات و قذائف أر بي جي علينا و توصلها كل شي يدور ببيتنا لو من خصوصايتنا

أنا أختصرت الموضوع مرة ولو بقول ولو بحلل لكم كل موقف يمكن أخذ عشر صفحات
مكوبته وفضفضت لكم

أنصحوني وش أسوي بدون الدعاء عليها لأنها مهما اذتنا مابي يصير لها شي عشان عيالها المساكين