هالحركة وش تتسمى غباء والا خبث والا وقاحة ؟؟؟ لو صارت لكم وش تسوون؟

السلام عليكم ورحمة الله وبركاته

بصراحة مدري من وين ابدا:09:



بقولكم وش صار

الله يسلمكم علاقتنا احنا وامي مع عماتنا علاقة رسمية يعني بيننا كل احترام ونتزاور في الاعياد واحيانا في غيرها بس مو كثير
يعني هم عندهم خلافات مع حريم اخوانهم الثانيين وبعضهم مقاطعينهم وبعضهم علاقتهم رسمية زينا كذا هم عندهم حركات وتصرفات تقهر بس اشياء الواحد ممكن يعديها ويتغاضى عنها يعني مايسوى تصير مشاكل بسببها
لحد ماصار شي عكر صفو هذي العلاقه وانصدمنا فيهم مررررررررررره اخوي اول سنه جامعه عمره 18 سنة في مره زارهم وجلسو معاه عماتي وسالوه ايش رايه في بنت عمتي (اصغر منه بسنه) قالوله لو ان شالله لو تخرجت وتوظفت تفكر تتزوجها؟؟ :30: قالهم ماادري قالوله لو مافي بالك احد ترى بنت عمتك اولى وعمتك وزوجها يعزونك وماراح تلقى احسن منها قالهم ان شالله:09:
بعدها عمتي الملقوفه اخذت انه كلامه موافقة و كلمت ابوي وقالتله ولدك كلمني ويبي يخطب بنت اختي انصدم ابوي وقال معقوووول يقولها وهو حياوي غير كذا لسه بزر ويدرس وقالتله انه عمتي ام البنت قالت لابوها وماعنده مانع

سالناه وقالنا باللي صار قال انا ماكلمت احد ولا قلت شي هم فتحو الموضوع و انا قلت ان شالله عشان اصرف الموضوع لانهم احرجوني و استحيت اقولهم لا وماتوقعت بياخذون كلامي بهالجدية :09: سالناه يعني انت صح تبي البنت؟ قال لا ماابيها ولا ابي غيرها ابي اكمل دراستي خخخخخخخخخخخخ والله شي يضحك يعني هم خطبوه وهو يتحجج بالدراسة
قلنا لابوي قولهم تراهم فهمو غلط وفهمهم الموضوع عاد مدري فهمهم والا للحين عايشين الكذبة:09:
طبعا امي مررررره زعلت مع انها عمرها ماشالت عليهم لكن مررره حقدت عليهم :mad::mad::mad:
وحلفت تقطع العلاقة فيهم وماودها اخوي يروحلهم تقول اخاف يسوون له شي لان شكلهم حاطين عينهم عليه ويبونه لبنتهم احيانا اقول حركات خبال وخفه واحيانا اكون مع امي واقول احسن اخوي مايروحلهم الزمن يخوف والواحد من كثر مايسمع مصايب تجي من اقرب الناس يخااااااف يأمن لاحد او ماياخذ الامور بجدية

وانا انصدمت من هالحركة ولاادري ايش اسميها بصراحة؟ الولد بزر ولا يفكر بهالامور ليش يفتحون معه موضوع زي كذا ويخططون ويرشحون له البنت وبعدين يدقون يقولون ترى الولد خطب واحنا وافقنا !! وكأن رايكم يالاهل خلاص ماعاد له قيمة يعني عمات ولكم احترامكم ماقلنا شي بس الولد عنده اهل
الولد صغير وقدامه سنين يخلص تعليمه ويشتغل ويكون نفسه وبنتهم بزرة وماطلعت من البيضة ليش الفجعة عالزواج من الحين؟؟؟؟
انا عمري 23 واحس نفسي لسه صغيرة :26: لنا حق نزعل والا احنا مكبرين الموضوع ؟؟؟ ناخذ موقف والا ننسى؟؟
ايش رايكم بهالموقف ولو صاير لاحد فيكم كيف بيتصرف؟وكيف تتعاملون مع ناس زي كذا؟؟؟؟:26:

وبايش تنصحون امي تؤيدون انها تقطع علاقتها فيهم؟؟؟ واخوي ايش تنصحونه يسوي يروحلهم عادي ولا كانه شي صار والا يقطع علاقته فيهم ويزورهم بس في العيد احسن؟؟؟