في بالي اكثر من فكره ممكن مثلا تتفقين انتي وثنتين معكم انكم تسوون نفس الطبق على اساس انها صدفه وماتدرون ولما رحتوا الاستراحه

تفاجئتوا ان الطبق مكرر وانتي اقترحي انو لا مايصير كذا لازم نخطط من قبل عشان مايتكرر الطبق وجيبي ورقه واكتبي عليها

يافلانه انتي وش بتجيبين معك واكتبي اسم كل وحده وطبقها اللي بتجيبه يمكن بهالحركه تنحرج وتجيب شي





وفكره ثانيه مادري اذا بتعجبك على اساس انكم تغيرون الفكره شوي وبدل ما كل وحده تجيب معها طبق يصير كل مره الدور على وحده هي اللي تجيب الطبق المالح والطبق الحلو والبقيه مايجيبون شي وكل مره على وحده

هي اللي تجيبه كله

لا يا اختي لا تخربون جمعتكم عشان وحدة ما تستحي ..
انتم وزعوا على بعض الأصناف اللي كل وحدة تسويها .. أو انكم تحرجونها في كل مرة يعني مرة أول ما تدخلي عليكم قولوا وأنتم تضحكون وين اللي جبتيه .. أو انكم وأنتم تأكلون من الحلى تقول وحدة منكم لها فلانة ذوقينا من حلاك ..
أو فلانة زمان ما ذقنا من يدك شيء .. ومن هالكلام في كل مرة دقة دقتين لعلها تستحي مع اني أشك ان هالنوعية تعرف الحياء .. وقتها قولوها كاش في وجهها .. المرة الجاية جيبي معك شيء حالك حال غيرك .

طالما ظروفها طيبه سوو جدول كل مره وحده تجيب الحلا والعشا
وبكذا لمن يجي دورها اكيد بتنحرج وتجيب !
وخليكم ع كذا
ووبس

احتسبو الاجر

لو هي ماحست من نفسها ماينفع واكيد انتو تستحون ماراح تقولون لها شي

يا اختي انتي تقولين ما شفنا منها شي الا ها الحركه وبتخربون جمعتكم الحلوه علشانها ما تجيب شي طيب لوهي تمد السفره من الباب للجدار وطبعها ما فيه اخس منه وش بتسوون بتقولون لا تجيب شي بس تفكنا من شرها ويمكن بكل بساطه مو شاطره مره في الطبخ وما تعرف الا كم نوع بس والكل ياكله دايم يعني ما نفعت احد وتراه اكل مو حاجه كبيره مره مأزمين الوضع وتنسحبون بسببه الله يهدي الجميع ويديم لكم جمعتكم