هالسالفه قاهرتني موت كنت متردده اعلمكم بس تعالوا وقولوا حسبي الله

السلام عليكم ورحمةالله وبركاته

انا من زماان مقهوره من هالسالفه وودي أتكلم بس مدري ليه متردده اتكلم احس تشهير وانا ما احب

بس اليوم قلت بعلمكم :30:


بنات انا تزوجت من 7 شهور تقريبا وكنا متفقين انا وزوجي نأجل موضوع الحمل لبعد سنه

مع اني امووت اموت ب:04:

بس كلن يقولي والله لاحقه ومدري كيف

اللي صار بعد 4 شهور قال زوجي شرايك بفتحلك ملف بالتخصصي الطبي
ومنها اسوي فحوصات عامه عاديه

رحت المستشفى عند استشاريه المهم انا موسوسه قلت خليها تشوف اذا عندي التهابات اوشي
احسن اتطمن واكتشف من بدري المهم راحت الاخت بعد ما اخذت عينه
تظغط على بطني من تحت قالت فيه الم قلتلها لا راحت الجهه الثانيه قلت يعني هنا شوي
لاحظوا بدون ما أطلب منها
سوت سونار مهبلي مو هي وحده ثانيه بغرفه ثانيه وبنفس الوقت نادتني قالت كيف دورتك قلت الحمد الله منتظمه يعني احيانا تتأخر واحيانا تقدم 3 او 4 ايام بالكثير

قالت غريبه عندك تكيسات بالمبايض

قلت وش هالشي قالت لا ماتخافي هذي اعراضها عدم انتظام الدوره والوزن الزايد

وانا عصقوله ادور شي يسمن ودورتي تمام الحمد الله

قالت بس التكيس بيأخر الحمل يعني اصبري 7 او 8 شهور ما حملتي

راجعيني انا ما راح اعطيك علاج الحين لانو بتحكيلي ان الدوره منتظمه عندك وانا بشوف وزنك نحيفه

ركبت السياره وزوجي يقول شفيك وانا سااكته مو قادره اتكلم من الدموع
:icon33:

انفجع بنت شفيك وما حرك السياره قلتله الدكتوره تقول وتقول وعلمته وقلتله انها تقول ممكن يتأخر الحمل وياخوفي ما احمل اصلا :icon33:

حاول يهديني واصلا انا ما ابي الحين ومن هالكلام

بس صرت بقسم تأخر الحمل والولاده طول الوقت واخذ ارقام حريم وزوجي يقول لو تموتين ماو ديتك تلعبين بنفسك خلي الحمل يجي من حاله

المهم اللي صار اني من اول ما وقفت (الموانع) وكلها طبيعيه مو حبوب وخرابيط

حملت (الحمد الله الف حمد وشكر) ما شالله لا احسد نفسي من الفرحه

ورحت الالماني وسوت الفحوصات وقلتلها انه عندي تكيسات (للحين مصدقه ) قالت وانت مين حتقيكي التكيسات

لا ياحببتي سليييمه ومافيش تكيسات ولا حاجه قلتلها دكتوره متأكده لانو انا كذا وكذا وعلمتها السالفه قالت ابدا مافيش لو فيه كان باان


وحقدت على الدكتوره وعادت بي الذكرى لكلامها لانه بالموعد الثاني اللي اشوف فيه نتيجه العينه اذا فيه التهاب او لأ قالت انت عندك فطريات :32: يا مشاعل قلت انا مو مشااعل انا فلانه

قالت اوه وطلعت اوراقي قالت لا لا سلييم ومافي التهابات ولا شي

شكله هذي اللي عندها تكيسات اسمها مشاعل

وكان ممكن ماتقول الاسم وامشي على عماي وتعطيني ادويه وانا مافيني شي

مقهوووووره ودي اقتلها بمسدس

:024: بس شلون وانا ما ودي حتى اقول اسمها حراام بس حسبي الله ونعم الوكيل

كفايه النفسيه

أهم شي انه ربي كان كاتبلي احمل بهالوقت يمكن خيره عشان ابطل موانع

والحين انا مكمله شهرين الله يتمملي على خير


كنت جايبه عشره تحاليل منزليه وقبل الدوره باسبوع مافي شي ولا بان ولا خط وانا حاسه برعب

وكل ما اسوي التحليل ومافي خط:06:

وجا يوم الدوره ونزل شوي دم وفقدت الامل وقف الدم بنفس اليوم وانا خلاص واثقه انو مافي حمل واشرب قرفه طول الوقت اقول شفيها ليين ثان يوم قمت وتروشت عشان اصلي مايسير مافي شي وقاعده بدون صلاه و قلت بدت اعراض التكيس :hahaha: على بالي انه الدم وقف عشان فيني تكيس (عايشه الدور الاخت)

وطلعت بالديشمبر اسشور شعري الا اسمع اذان العصر وانسدحت وجلست اردد ورااه ودعييت من قلب قلت ياارب بقدرتك تقدر تكتبني حامل بهالحظه يااارب حتى لو جتني الدوره واصيييح بس قمت واخذت التحليل وأطالع الا خطييين واضحه

واصييييح مو مصدقه وادق على زوجي كان متأخر بالدوام وانا كنت بطلع مشوار بداله عالمستوصف اتأكد اسوي تحليل دم قالوا حامل واصيييح
والسالفه كلها صياح بصياح


عاد الحين قمت اتشرط ههههههه

ابي بيبي يزنن صحيح سليم معافى وعيونه خضرا او رمادي

معليش طفره جينيه اي شي المهم ادعولي من قلب عيونه كذا وواسعه وبااار


انسوا موضوع الدكتوره اللي قاهرتني ما ودي احش فيها وادعولي هالدعوه الحلوه:42:


وفمان الله