مراحب أخواتي ...
عندي مشكله أو قلق خل اقول بسبب تغير لون بشره بنتي ..
السالفه إنا كنا من فتره اسبوعين تقريبا في إحدى الشاليهات وفيه طبعا حوض سباحه
وبنتي الله يهديها يمكن سبحت ثلاث مرات بس مره من هالمرات كان الوقت بالنهار وتسبحت لين الظهر .. تصورا عـــاااااد ...
والله لما جتني وشفتها أنخرعت من لونهــا ..
كانت الخدود حمرا حمره غريبه .. .بعدها يمكن بثلاث أو اربع ساعات صار اللون ولا شبح .. لونها جنني ..تغير يمكن 180 درجه عن لونها الاصلي .. والله يا بنات إنها مثل القشطه بيضا وتلق لق بس كااان لإنها الحين سمرت بصوره فظيعه .. حتى علامات لبس السباحه اللي كانت لابسته واضح ليومنا هذا ... وجسمها من داخل لونه مثل قبل بس اليدين والرقبه والوجه ...
هي راحت المدرسه هالسنه ولا اثرت عليها الشمس ولا شي أبد يعني لا زالت بيضا ما شا ءالله بس من بعد هالسالفه صارت وحده ثانيه والله يابنات ابغي أبكي من القهر
حتى الكل يخترع لما يشوفها .. ويسألني شو صار لها .. وين راح بياضها :icon33:
طمنوني بليييييييز هل رح يرجع لونها ؟.. وهل يطول حتى يرجع ..؟ :D
أختكم ..
( لمسه ذوق )
