بالعكس يشوفوني حريم ثم يهجون احسن من ان الرجال يشوفني ثم يهج!!!!!!!!!!

عدنا في عايلتنا النوعين .. النوع الاول ممنوووووووع منعا باتا الريال يشوف الحرمه الا وقت العرس ، و اذا محظوظ يوم كتب الكتاب .. و النوع الثاني عادي عند الخطوبه
بصراحه متلخبطة منو الصح
عندي بنت .. الله يحفظها بتكمل سنتين الشهر الياي .. بس من الحين افكر في مستقبلها .. عاد بنتي الوحيده لازم من الحين بفكر .. ما احبذ فكرة الريال يشوفها قبل الخطوبه ، يتراوالي انا غلط بس ما ادري ليش عندي ها الفكره .. يمكن ما تعجبه او يغير رايه ، ليش اعلق قلبها او احملها هم مش ناقصتنه .. و الله انا حاسه اني غلط .. يلين ما تكبر يستوي خير

هي موسهلة المسألة .. لأن حنا مثلا ماندخل البنت على الخاطب غير بعد السؤال عنه تماماً يعني بعد جية الحريم .. عشان مو أي واحد يشوف البنت ويطلع :16:
فصعبة نسأل من البداية وقبل لا يصير شي .. بعدين ترى الحريم أنواع.. مو كلهم يرضون خصوصا الأم .. المعاينة عندها أمر ضروري كأنها هي الي بتتزوج وفيه أشكال مايستحون يطلعون من بيت لبيت كأنهم يدورون قماش
فيه حركة لكنها نادرة الي هي ان الأم والخاطب يجون مع بعض . نوعاً ما حركة جيدة لكنها تضاعف الإحراج.

سبحان الله العادات والتقاليد تختلف بينا كثير وحنا اهل بلاد وحده او ع الاقل خليج واحد :(

عندنا مثلا ً اصلا ً مافيه امل وحده تتصل تقول باجي انا وبناتي نتفرج او نشوف بنتكم علشان يمكن نخطبها :11:

مستحيل ولا قد صارت ولا هي من عاداتنا

الي يبون يشوفون بنت يجرون وراها في اي مناسبه هي واهلها بيحضرونها علشان يشوفونها

او يجون يسيرون عادي يعني زياره سلام او في عيد اي مناسبه علشان يبصبصون على البنت وهي ياغافلين لكم الله

وإذ اعجبتهم اتصلوا على امها وعطوهم خبر إذ موافقين مبدئيا
قالوا للولد الي هو الي يجي هو وابوه يخطبون

يعني الزبده بعد معاناه :o

بس لاننا غالبا ً قبيله نعرف بعض ونادرا ماتتزوج البنت من برا والعكس صحيح
فاتلاقين الولد يعرف شكل البنت من توها صغيره او اهله شافوها الف مره في كذا مناسبه ....

ويالله بعد الملكه يدخلهم ابو البنت او اخوها على بعض يشوفون بعض ويسلمون على بعض بس

ومو الكل اغلبهم مافيه حتى هالشوفه الا بلليله العرس :D

ومن جد ماحبذ ابدا ً هالطريقه الي يجون فيها اهل الولد يبصبصون على البنت ويتوكلون بغرض الخطبه والبنت يكون عندها علم بعد ياحرام :11:

..

.

فعلا اختي انا بصررراحة اايد هالشيء بصراحة الوحدة صارت تحس نفسها سلعة للفرجة الي يعجب يشيل على الاقل لوصار هالشيء بين الولد والبنت يكون عن اقتناع سواء كان هالشيء موافقة اورفض