هالمرة الكلام جد وخطيييير...تعالوا اسمعوا.

السلاام عليكم ورحمة الله يابنات عالم حوااء المحترماات ((ركزوا على كلمة محترمات هذي لاني أبيها بموضوعي))...

وش اخباركم وش علومكم ..أشتقت لكم والله بهالخميس والجمعة..وش لوون عيالكم ورجالكم وكل من يعز عليكم..((مصختها صح..؟؟؟))....المهم


بنات اليوم ابي اتكلم بموضوع جد جد جد جد...والله العظيم انه مضايقني واحس انه مهم اننا نتناقش فيه وناخذ اراء بعض فييه....


بنات ..ياحريم ...الخيانة وش هي ...؟؟؟

أنواع صح..؟؟....ايه نعم انواع ...طيب لو دريتو عن مرة متزوجة أوحتى لو مش متزوجة ..تكلملها رجال ...من ورا جدار وهي ضامنة مية بالمية أنه مايقدر يوصلها ولا يعرفها ..يعني مجهولة بالنسبة له...عاد وش يتكلمون عنه ..عن تفاصيل العلاقة الخاصة بين الزوجين ..هل هذا حلال ..هل هذا مايغضب الله ..هل زوجها بيرضى ..طيب لو قالوا أنه بأطار أسلامي وأنه لغرض التثقيف وعلشان ترتقي بالعلاقة بين الزوجين وعشان المرة والرجال يحسنون علاقاتهم بشريك حياة كل واحد منهم ..ينفع الكلام هذا....ماظنتي ..


يانساء عالم حواء ...هذي رسالة مني تنبيه لكم من اللي تتسمى المنتديات الي تتكلم عن الحياة الزوجية بأطااار أسلامي ...والله اني دخلتها مرة قبل يمكن سنة وجاني غثيان الله يكرمكم ...حريم ورجال يسولفون بأدق أدق تفاصيل العلاقة((...))...

لا...وكل واحد منهم ياأما يمدح (تمدح )نفسها ..ووش تسووي مع زوجها..يأما تشتكي أوهو يشتكي من زوجته ...أنا اللي مجنني الى اللحين وش لوون حاطينه باطار أسلامي ...خافوا الله ..هل يرضى زوجك تسمعين مغامرات الرجال مع حريمهم وتبادلينهم الحديث ..ترضين زوجك يقعد يحكي مع حريم متزوجات غيرك ..ليش نعطي مجال للفتن ونحطها باطار دينا الكريم الشريف ...لييييش ..اللي قاهرني وفاقع مرارتي وخلاني أكتب هالكلام بالذات هنا في عالم حوااء ..لاني مرة شفت موضوع راعيته حاطة أسم هالمنتدى البشع فيه...وحاطة كلام من بعض ردود الرجال على الحركة اللي هي جايبتها منه ..والحريم كم وحدة منهم اسألت عنه ...معقولة ترضين عزيزتي على نفسك هالوضع ..والله ماأظن وحدة عازة نفسها حتى لو ماتحب زوجها انها ترضى تحدث مع رجال غير زوجها بهاالشي بالذات...فمابالك باللي يحبون أزواجهم ويدخلون عشان يجيبون حركات ولا شي لأرضائه ..أنا برايي حتى لو الزوجين مع بعض أدخلوا ...شي يبط الكبد ويفقع المرارة بعد ..شلوون لو زوج وااحد....

ودي حبايبي تشاركوني بها الموضوع ونجمع أرائنا فيه ..وياليت لو وحدة تقدر تجيب لنا حكم الشرع في هالوضع المريب..لأني ماأقدر ..والله يجزاكم خيييير مقدما ..


اسمحوا لي ماقدر أقول أسم المنتدى لسببين :

الأول لأن قوانين المنتدى يمكن ماتسمح

الثاني لأن مع أني عارفة أن بعضكم يمكن يعرفونه لكن مابي اشيل ذنب أحد مايعرفه ويروح يشوفه من باب الفضوول...وارجوكم اتقوا شر الفضول ترا أوقات كثيرة مايجيب خيير....