بنات حواء
وحريمها
لا حظت كثير انتشار أفكار الحركات (المجنونة) لإرضاء الزوج وتدليله
يعني.. حتى أنا نزلت قبل فترة كم موضوع من هذا النوع
بس فيه شي فات إننا ننزله في موضوع مستقل
وهو
إنك بتملين من الحركات اليومية أو الأسبوعية أو حتى الشهرية
وفيه حريم غير موظفات وما يقدرون يوفرون أبسط الأفكار اللي ممكن انتم تطرحونها..
من ريش وورق وفصوص ومكياج وشخلعة
ليه ما نكون واقعيين شوي
أنا بتكلم من تجربة شخصية وعليكم إنكم تعلقون على كلامي
1- الرجال مو مثل بعض: الحركات اللي عجبت زوج فلانة يمكن زوجك يشوفها خبال.
2- التلصق الكثير والبوس والدلال بيصيرون شي عادي بالنسبة للزوج حتى مع اللبس اللي بالي بالك!
3- تعرفون وش السبب الأساسي اللي يخلي كثير من الشباب ما يتفرجون أفلام خليعة قبل الزواج (طبعا بعد خوف الله) <---------- إنهم ما يبون عيونهم تتعود على رؤية العري وبالتالي بيشوفون زوجاتهم (ولا شي).
4- ممكن تمر عليك أيام تكون معاك الدورة.. وأيام طفلك مريض لا قدر الله.. وأيام طفشانة ومالة.. وأيام عندك اختبارات.. وأيام عندك طبيخ وغسيل وكوي ومتهاوشة مع الشغالة وووووووو بلاااااااااااااوي.
5- مثل ما قلت في البداية... فيه حريم صعب ينفذون الحركات إما لقلة المادة أو بسبب سكنها مع أهل زوجها وبالتالي صعوبة الدلع!!!
6- بصراحة بصراحة بصراحة... حماسكم ما تشوفونه قل بعد مرور كم سنة على الزواج؟؟؟
طيب وش الحل...؟؟؟؟
1- جسي نبض زوجك وشوفي نوعيته هو وش يحب.. مو أي حركة هنا في المنتدى رحتي ركض تسوينها!!!
2- حاولي تسوين تنافر في الأجسام على عكس ما يقال.. بمعنى انك تخففين البوس والدلع وتعاملي معه على انك سكرتيرته مو زوجته (اقهريه) : لا عيب.. هذا وقته؟.. ياربي الدنيا حر.. بروح أكلم صديقتي.. ومن هذا النوع!!!
3- اسبوع كامل لا يشوف فيه ساقك ولا ذراعك ولا صدرك!!! البسي ثياب طويلة واسعة بأكمام طويلة (بس لو سمحتوا خلوها كشخة لا ينفر الرجال)!!! وحاولي تكونين طول عمرك مرتبة حتى لو بدون مكياج..
4- حاولي إنك ما تظهرين زعلك منه كثير.. بالعكس.. ابتسمي حتى وانتي زعلانة عشان يحس بالذنب ويعرف إنك تضحين عشان راحته. وعشان كمان إذا غلط غلطة كبيرة بيعمل لزعلك ألف حساب مو يعتبره مثل كل مرة.
5- ركزي على الكلام الطيب ومو شرط الهدايا والورود.. يعني كفاية إنك ترتبين فراشه وتصلحين جلسته وترضين أمه.. وش يبي أكثر من كذا؟؟؟
6- لا تحاولين أبد إنك تعاملينه مثل ما يعاملك (أبدا أبدا) ولا تستخدمين معاه نفس الألفاظ اللي هو يستخدمها معك.. ترا والله بتعيشون في نكد بنكد إذا كل واحد تحدى الثاني.
7- خلي الحركات المجنونة (مررررررررررة وحدة في السنة) ولا تخلينها في نفس المناسبة.. يعني مرة في العيد ومرة في ذكرى زواجكم ومرة إذا نجح وهلم جرة عشان لا يتوقعها وتصير بايخة مهما كانت غريبة..
8- تذكري (بيني وبينك) إنك مهما سويتي فأنت الأضعف وانتي اللي محتاجتله فلا تحاولين تعاندينه أو تعايرينه بأي نقطة ضعف عنده لأنه في مقابلها عندك ألف نقطة ضعف.
وأهم شي
لا تتشخلعون كثييييييييير ترا يتعود (خاصة العرايس) الحشمة زينة وأنا أمك يا بنيتي ----< أمحق أم!!!