مدخــــــل
اللي جاهم فواتير كهرباء وجاتهم ضربه قاسيه من شركة الكهرباء
لا عليكنّ
اهم شيء ما تموتون حر
ثم
تحطون حرتكون فينا
نجي لـ ِحافّة الماضوع
حساسية البنات والــــحـَرْ والـــْحرّه
المفردات
حساسية :
هوحكة بالقلب اوالصدر او الجلد او اللسان
البنات :
كائنات حية
حساسه
تحس
يا
صد
يا
رد
الـــــحَــــر : هو اختصار لـ AHO
وفي الاصطلاح العلمي هو
الأح اوف اوووه
ويقال طفششششش
الحرّه : هو نتاج من ..........؟
؟؟؟؟
يعني
احد يطفشك ويكرهك في عيشتك
فـ تحطين حرتك في احد
وربما هالاحد هي عضو ة في عالم حواء
عضوة : مبتدأ مسجّل وعلامة تسجيلها المشاركات المندفعه من القلب واليد
في : حرف يستطيع جرك
عالم : اسم مجرور بالعضوات وعلامة جرهن الشوشة
حواء : لا محل لها من الاعراب في حالة الهوشات منعاً لثقل الموقع
نجي لصلب الماضوع
البنات متحسسات من الردود
وهذا يرجع لما سبق ذكره ...
لكن لربما يخفى عن الجميع
ان ما احلى من الموضوع الا الردود على وزن ما احلى من الولد الا ولد الولد
انا عن نفسي اوسع صدري
مع انه يضيق صدري >هيا بالله كيف ؟
يعني يضيق لو صرتِ تقنعينها على حاجة دينية
وليست دنيوية
وتقولك لا انتِ غلطانه
تقولين لها هاك الدليل
تقول
قم بس قم
والله العظيم انه ما يضيق صدري من هجوم ٍعلى شخصي
اكثر من هجوم عالفائدة المرجوّة
طيب
كيف نعالج مشكلة الردود اللا / لائقة ؟
اولا المشكلة ليس لها علاج
ولكن يحتاج لمسكّن من الكاتب نفسه
فقبل يكتب موضوع
يتوقع انه في مَع َ
وفيه ضد
وفيه اكشن
وفيه مع الخيل يا شقراء
وفيه ان لم تكن معي فأنت ضدي
فلازم نعرف النفسيات اللي ترد
العضوات والنفسيات مستحيل الاستحاله ان يتفقوا
وإلا لبارت المواضيع
الكل يطالب بالردود المهذبه
وهذا كما قلنا مستحيييل
طالما هناك نفسيات مختلفه فستختلف الردود
نعدد بعض الشخصيات اللي تنتج عنها الردود المخالفة
واي وحده عندها إضافه
تتفضل
- عضوة تحب تستفزك عشان تشوف اش تردين عليها وهي تجي ترد عليك
وقاعده تهز رجلها متى تردين
ولا يمنع من انها تطلب الشغاله ساندويتشه وعصير تنقنق فيه على ردك
- عضوة (خالف تعرف) ولا تعريف اكثر من ذلك
- عضو
نعم عضوو
رجال او ذكر بالاصح لان ليس كل ذكر رجال
ولد صغير مراهق باسم بنت يتسلى بالردود الاستفزازيه حتى يضحك اخوياه
وربما احلى سهره على الماسنجر وهات يا ضحك على ردالفعل
وانتن ما زلتن تناقشونه وتتحيسبون عليه وهو يزيد ضحكاً
- عضو رجال كبير يدخل باسم نسائي لانه يكرهنا
ويحطم مجاديفنا
نتيجة حبيبته اللي تاركته وحب ينتقم في
الحوائيات الحساسات
- عضوة دكتاتوريه تحب كلمتها هي اللي تمشي ويا ويلك تعصينها
- عضوة هي (شوي زينه) بس لانك خالفتيها في موضوع ، أو رد لها فتشيل بقلبها وتردها لك في موضوعك يسمى بـ ( ثار الردود )
عضوة عندها ضغوط نفسيه واي شيء ابيض تشوفه اسود والاسود تشوفه ابيض ( هذي بالله وش ترجون منها )
اعضاء من مذاهب مخالفة لاهل السنة والجماعه حتى يكثرون البلبله والفتنه فيما بيننا
شفتوا هالانواع
طيب بالله ليش نحرق اعصابنا منهم ؟
اكتب ِ ما يرضي الله
وواثق الخُطى يمشي ملكا ً
الخاتمة
هالحالات مستحيل تنقرض
الا اذا كل عضوة تسجل بالمنتدى
يشترط تسجيلها بـ بطاقتها الاحوال
ويحطون مخالفات مالية لكل عضوة
هنا يمكن ينقرض 50% من هالحالات
ف ما ودك تكونِ انت ِ
"
مخـــــرج
اللي جاتهم فاتورة الماااء قوية
شوفوا ليكون في تسريبات
جايتنا فاتورة لـ ثلاث سنين قدام
وطلع المشكله من الري حق المزرعه
فيه تسريب داخلي وما ندري عنه
شيكوا على البيبات والمواسير
.
ورد يقرا اول سطر واخره بس