هالمره ماراح تضحكون من عمل شغالتي بل متاكده انكم راح تتحسبون

السلام عليكم ورحمة الله
اخواتي سبق وكتبت لكم موضوع يخص شغالتي
وكيف اعاملها بطيبه واحترام
تذكرون لما قلت لكم اني قلتلها نظفي الفرشه الموكيت ورحت اريح ولما نزلت وجدتها مغسوله اي كلام
وقلت لبنتي جيبي المنشفه انا راح انظفها وماكلمتا ونزلت تبربر لما شافتني انظف وقالت خلاص وديني اندونسيا
واغلبكم قالو راعي ظروفها مكن عليها الدوره او عشانها مغتربه
والله اعتقد والله اعلم ماحد عاملها بطيبه مثلي كل مناسبه اشتري لها وكنت اخفف اشغل عليها لدرجة احيانا تقول فيه مدام شغل اسويه
والمصيبهاليوم خربت المكنسه وهذي ثالث مره ومع ذلك ماقلت لها شي الا كلمتين كل وم خراب خراب والله ماعندنا بنك
وتطلع غرفتها ولاتنزل ولما سالتها اشفيه ليه ماتشتغلي قالت انا مابغى شغل ابي اسافر
باقي لها 8شهور وتخلص سنتين والجديد ان زوجي لما قلت له قال تحققت الرؤيا قلت اي رؤيا قالي انا رايت وفسرت الرؤيا عند مفسر وقال عندكم شغاله قال ايه قال راح تسوي لكم مشكله وتطلب السفر
وساله اليوم مره ثانيه قال انا الي فسرت عندك حلمي عن الثعابين قال اعدها علي واعادها عليه زوجي قال هذي الشغاله وراها شر عظيم ويلزمك تسفرها وتفتشها تفتيش دقيق مره وانت مصاب باذى وعليك بالرقيه
والله كل من يشوفها يحسدني عليها لانها اذا جاني ناس تتشطر مره
جاء زوجي وكلمها قالت ابغى راتب واسافر
قال اشفيه مشكله قالت مافيه مشكله تركها قال يمكن تهدى ولما صلى العشاء كلمها وقال تبغين تشتغلين والا تسافرين قالت ابغى اسافر قال طيب قومي كملي شغل اليوم عشان اعطيك راتب قالت لا مابغى عطني حق تذكره وبس مادري تستفزه والا وراها بلا
انا ماخذتها الا لاني تعبانه والله العالم بحالي واولادي صغار لابد لهم من يرعاهم اذا طحت على الفراش وما عني اح من اهلي والا والله معد اقدم عليهم الله لايوفقهم
انا من هنا انادي بعلى صوتي لوزارة العمل والعمال اطالب بفرض عقوبات صارمه على الخدم واي وحده تسافر بدون سبب لاتعطى راتبها وتنزيل رواتبهم لانه مهما اكرمت الئام يتمردون
حسبي الله عليها ان اضمرت شر لي او لزوجي او اولادي وانا اعاملها كاخت مو شغاله
اعولي ياخوات ان الله يكفينا شرها